យ៉ាងហោចណាស់កីឡាករ Manchester United បីនាក់អាចចាកចេញខែមករា ២០២៥នេះ នៅពេលទីផ្សារដោះដូរកីឡាករនិងបើកជាលើកទីពីរនៅចុងបញ្ចប់នៃរដូវកាលនេះតាមអ្នកជំនាញផ្នែកផ្ទេរកីឡាករលោក Fabrizio Romano បានបញ្ចេញឈ្មោះកីឡាករទាំងបីនាក់នោះមានដូចជាៈ Casemiro, Victor Lindelof និង Christian Eriksen។បច្ចុប្បន្នបិសាចក្រហមMan.Utdឈរនៅលេខរៀងទី ១៤និងមានគម្លាតត្រឹមតែ៧ពិន្ទុប៉ុណ្ណោះពីតំបន់ កាត់ចោល ខណៈការប្រកួតនៅដើមខែមករា ឆ្នាំថ្មី២០២៥ពួកគេត្រៀមជួបសុទ្ធតែក្រុមប្រជែងពានមាន Liverpool និង Arsenal ជាដើម។
Man.United កំពុងសម្លឹងចង់បញ្ចេញកីឡាករដែលមានប្រាក់ចំណូលច្រើនៗតែមានវ័យជ្រែលើសពី៣០ចេញពីទឹកដី Old Trafford ខណៈការអះអាងរបស់អ្នកជំនាញផ្នែកដោះដូរកីឡាករសញ្ជាតិអ៊ីតាលីលោក Romano បានសរសេរនៅថ្ងៃចូលឆ្នាំថ្មីនេះថាក្រៅពីCasemiro ដែលមានប្រាក់ឈ្នួលច្រើនបំផុតដល់ទៅ៣៥ម៉ឺនផោន នៅមានCristian Eriksenដែលមានប្រាក់ឈ្នួលប្រមាណ១៥ម៉ឺនផោន និង Vector Lindelof១២ម៉ឺនផោនផងដែរ។ បុរសសញ្ជាតិអ៊ីតាលីដែលល្បីល្បាញ និង ភាគច្រើនដឹងរឿងការផ្ទេរកីឡាករនេះបន្ថែមថាៈ ក្លឹបត្រូវតែលក់កីឡាករចាស់ចេញដើម្បីនាំយកកីឡាករថ្មី ហើយខ្សែបម្រើប្រេស៊ីលគឺស្ថិតក្នុងចំណោមកីឡាករទាំង៣ ខាងលើដែលមានភាគរយខ្ពស់ក្នុងការចាកចេញប្រសិនជាមានសំណើរល្អណាមួយ។
ប្រភព:Dailypost
