អ្នកចាត់ការទូទៅក្រុមមេឃខៀវ Man. City លោក Pep Guardiola បានណែនាំនិងអង្វរករដោយទទូចដល់កីឡាករក្រោមឱវាទរបស់ខ្លួនឆ្លៀតយកពេលយប់ថ្ងៃបុណ្យណូអែលសម្រាកជុំគ្នានៅឯកន្លែងហ្វឹកហាត់នាកីឡដ្ឋាន Etihad Campus  និងជៀសវាងការផឹកស៊ីដាច់យប់រាំច្រៀងធ្វើអោយថមថយកំលាំងនោះ។ការលើកឡើងរបស់អ្នកចាត់ការសញ្ជាតិអេស្បាញកើតមានឡើងស្របពេលរូបលោកកំពុងមានកង្វល់ និង ធ្វើការសញ្ជឹងគិតដោះស្រាយបញ្ហាទម្រង់លេងរបស់ក្លឹបដែលកំពុងធ្លាក់ចុះគួរឱ្យព្រួយបារម្ភរបស់ពួកគេនោះ។គួរកត់សម្គាល់ថា ក្រុមម្ចាស់ជើងឯក Premier League នឹងធ្វើជាម្ចាស់ផ្ទះទទួលក្រុមភ្ញៀវ Everton នៅវេលាម៉ោង ៧និង៣០នាទីយប់ថ្ងៃព្រហស្បត្ត៍នេះគោលបំណងរបស់គ្រូបង្វឹកអេស្បាញចង់ស្តារមុខមាត់ឡើងវិញសម្រាប់ការប្រកួតនេះក្រោយពីពួកគេបានឈ្នះតែ១ដងគត់នៅគ្រប់ក្របខណ្ឌប្រកួតទាំង១២លើក។

ការពិតកីឡាករនិងត្រូវស្នាក់នៅជាមួយគ្នានៅពេលព្រឹកមុនពេលជួបជុំគ្នានៅពេលល្ងាច ទោះយ៉ាងណាលោក Guardiola បានប្តេជ្ញាចិត្តមិនចង់អោយកីឡាករប្រើប្រាស់ពេលវេលាខុសពីទម្លាប់របស់ពួកគេ ក្នុងកំលុងពេលព្រឹត្តការណ៍បុណ្យដ៍ធំសម្រាប់អ្នកកាន់សាសនាគ្រឹះ និងពិភពលោកមួយនេះ។លោក Pep បានលើកឡើងយ៉ាងដូច្នេះថាៈ យើងហ្វឹកហាត់ថ្ងៃនេះ (ថ្ងៃអង្គារ) យើងហ្វឹកហាត់នៅយប់ស្អែក (ថ្ងៃពុធ) យើងនឹងស្នាក់នៅទីនេះ ហើយយើងនឹងលេងនៅថ្ងៃ Boxing Day។ ខ្ញុំសង្ឃឹមថាពួកគេចង់នៅទីនេះ ព្រោះវាជាការងាររបស់យើង។

បច្ចុប្បន្ន Man.City ឈរនៅលេខរៀងទី ១៧មាន១២ពិន្ទុឃ្លាតពីក្រុមកំពូលតារាង Liverpool ដែលមាន១ប្រកួតនៅក្នុងដៃ និងឃ្លាតពីក្រុមចំណាត់ថ្នាក់ Top-៤ ចំនួន៤ពិន្ទុ។

ប្រភព:Dailypost