អ៊ីតាលី៖ យោងតាមការចេញផ្សាយដោយគេហទំព័រកីឡា BBC បានឲ្យដឹងថា ក្លឹប Atalanta គឺជាអតីតជើងឯកពានអឺរ៉ុប UEFA Europa League រដូវកាលមុន កំពុងសម្លឹងរកការឈ្នះជើងឯកលីគ Serie A របស់អ៊ីតាលីជាលើកដំបូងក្នុងប្រវត្តិសាស្រ្តរបស់ក្លឹប គិតចាប់តាំងពីឆ្នាំ១៩៦៣ មក។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

តាមរយៈជ័យជម្នះ ៣-២ ទៅលើគូប្រជែង Empoli បានធ្វើឱ្យ Atalanta រកបាន ៤០ពិន្ទុ ក្រោយឆ្លងកាត់ ១៧ប្រកួតជើងទី១ ក្នុងលីគ Serie A នារដូវកាលឆ្នាំ២០២៤-២៥ នាំមុខក្រុមលេខ២ ពពកស Napoli ដែលមាន ៣៨ពិន្ទុ។ វាជាជ័យជម្នះក្នុងចំណោម ១១ប្រកួតជាប់ៗគ្នារបស់ពួកគេផងដែរ។

គួរជម្រាបដែរថា Atalanta ដែលមានខ្សែប្រយុទ្ធ Lookman ទើបឈ្នះពានកីឡាករលេងល្អបំផុតប្រចាំឆ្នាំ២០២៤ នៅតំបន់អាហ្រ្វិកនោះ នឹងត្រូវប៉ះក្រុមលេខ៤ Lazio នៅថ្ងៃទី២៨ ខែធ្នូ ក្រោយថ្ងៃបុណ្យ Christmas ត្រូវបានបញ្ចប់៕

ប្រភព៖ BBC