ទម្រង់លេងរបស់ក្រុមមេឃខៀវ Man. City បានបន្តធ្លាក់ចុះមួយកម្រិតទៀតក្រោមការដឹកនាំរបស់លោក Pep Guardiola ខណៈពួកគេបានបរាជ័យក្រោមថ្វីជើង Aston Villa សម្រាប់ការប្រកួតនៅក្របខណ្ឌ EPL កាលពីថ្ងៃសៅរ៍នេះ។មានន័យថា ក្រុមMan.City បានបរាជ័យរហូតដល់៩លើកនៅ១២ប្រកួតចុងក្រោយគ្រប់ក្របខណ្ឌប្រកួត។ស្របពេលជាមួយគ្នានេះមានប្រភពជាច្រើនបានចុះផ្សាយថាៈអ្នកចាត់ការសញ្ជាតិអេស្បាញលោកPep Guardiola កំពុងពិចារណាស្វែងរកដំណោះស្រាយក្នុងការនាំយកកំពូលខ្សែប្រយុទ្ធស្លាប Lionel Messi (GOAT)មកលេងនៅក្របខណ្ឌ Premier League ក្នុងលក្ខខណ្ឌខ្ចីជើងរយៈពេលប្រាំមួយខែ។ វាអាចជាការជួបជុំគ្នាដ៏មានសក្តានុពលវាងវីរបុសក្រុមជម្រើសជាតិអាហ្សង់ទីន និង អតីតអ្នកចាត់ការទូទៅរបស់គាត់ អាចដោះស្រាយភាពខ្វះចន្លោះក្រោយពីការអវត្តមានដ៍សំខាន់របស់ម្ចាស់ពានបាល់មាស Rodri ដែលបានជួបបញ្ហាដាច់សរសៃពួរជង្គង់នាំអោយក្រុមការពារតំណែងជើងឯកMan. City ធ្លាក់មកដល់ចំណាត់ថ្នាក់លេខ៦ គិតត្រឹមសប្តាហ៍ទី ១៧ ខណៈ Aston Villa បានឡើងមកឈរនៅលេខរៀងទី៥វិញដោយមានគម្លាតពីគ្នា១ពិន្ទុ។បរាជ័យយប់មិញនេះក្រុមក៏អវត្តមានកីឡាករសំខាន់មានដូចជា Ruben Dias, Nathan Ake ក៍ដូចជាអ្នកចាំទីជម្រើសទី១ Ederson ផងដែរ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

 

បច្ចុប្បន្នអ្នកចាត់ការសញ្ជាតិអេស្បាញវ័យ ៥៣ ឆ្នាំ មានអារម្មណ៍ធូរស្បើយចិត្តបន្តិចក្រោយពីដាក់អោយ Ilkay Gundoganបំពេញតួនាទីជំនួសអវត្តមាន Rodri ។ ផ្ទុយទៅវិញ រូបលោកកំពុងផ្តោតអារម្មណ៍ងាកទៅពង្រឹងតំបន់ប្រយុទ្ធ និងនាំយកកីឡាករដែលមានសមត្ថភាពអាចពង្រឹងក្រុមទាំងមូលបាននោះគឺជា Messi បច្ចុប្បន្នកំពុងធ្វើការងារនិងប្រកបអាជីពជំនួញជាមួយក្លឹប Inter Miami ជាកន្លែងដែលគាត់បង្ហាញទម្រង់លេងបាន៣៩ប្រកួតក្រោយ ចូលរួមជាមួយនៅក្នុងខែកក្កដា ឆ្នាំ ២០២៣ និងរកបានគ្រាប់បាល់ស៊ុតបញ្ចូលទី៣៤លើកជាមួយការ Assist រហូតដល់ទៅ ១៨ដង។

លោក David Beckham សហប្រធានក្លឹបទំនងជាមិនរារាំងលើកឱកាសនៃការផ្លាស់ទៅយកការប្រកួតប្រជែងថ្មីសម្រាប់ Messi ប៉ុណ្ណោះទេ ប៉ុន្តែថែមទាំងអនុញ្ញាតឱ្យលោកលោកPep Guardiola និងអាចភាពច្នៃប្រឌិតដែលគាត់ជឿថាក្រុមរបស់គាត់ត្រូវការយ៉ាងខ្លាំង។
ប្រភព:World Soccer Talk &tuttosport