បរទេស៖ ក្រុមអធិរាជស Real Madrid បានក្លាយជាជើងឯកពានអន្តរទ្វីប Intercontinental Cup ឆ្នាំ២០២៤ ក្រោយផ្តួលគូប្រជែងមកពីមិចស៊ិក Pachuca ក្នុងលទ្ធផល ៣ទល់នឹង០ កាលពីយប់មិញនេះ នៅទីក្រុងដូហា ប្រទេសកាតា។ ជាមួយគ្នានេះ ទាំង៣គ្រាប់ របស់ជើងឯកអឺរ៉ុប UCL ២០២៣/២៤ ពីការរួមចំណែករកបានម្នាក់ ១គ្រាប់ របស់កីឡាករឆ្នើម Kylian Mbappe, Rodrygo និង Vinicius Jr ក្នុងកីឡដ្ឋាន Lusail Stadium សម្រាប់វគ្គផ្តាច់ព្រ័ត្រនេះ។

ការប្រកួតពាន FIFA Intercontinental Cup នេះដែរ គឺដើម្បីបើកសម្ពោធពាន FIFA Club World Cup នាឆ្នាំក្រោយនៅសហរដ្ឋអាមេរិក មានដែលមានការចូលពីបណ្តាក្លិបមកពីតំបន់ ស្មើនឹង ៦សហព័ន្ធអន្តរជាតិនានាមានដល់ទៅ ៣២ក្រុមចូលរួម។

ក្នុងការឡើងមកលេងពាន Intercontinental Cup នេះដែរ Pachuca ក្នុងនាមជាជើងឯក Concacaf Champions Cup ដោយបានយកឈ្នះ Al-Ahly របស់អេហ្ស៊ីប ដែលជាជើងឯកមកពីតំបន់អាហ្រ្វិក ក្នុងការឈានមកដល់ផ្តាច់ព្រ័ត្រ ត្រូវប៉ះជើងឯកអឺរ៉ុប Real Madrid ដោយពួកគេរង់ចាំប្រកួតវគ្គដណ្តើមពានតែម្តង៕

ប្រភព៖ BBC