អង់គ្លេស៖ តំណែងខ្សែការពារស្តាំ Kyle Walker ក្នុងក្រុមរបស់លោក Pep Guardiola បច្ចុប្បន្នគឺជាប្រធានបទដ៏ក្តៅគគុកនៃការជជែកវែកញែក ដែលរូបគេមានការធ្លាក់ចុះនៃទម្រង់លេងយ៉ាងខ្លាំងគួរឲ្យកត់សម្គាល់។ ថ្វីត្បិតតែ Walker នៅជាប់ជម្រើសដំបូង ប៉ុន្តែតំណែងរបស់កីឡាករវ័យ ៣៤ឆ្នាំ បច្ចុប្បន្នកំពុងស្ថិតក្នុងហានិភ័យ។

យោងតាមសារព័ត៌មាន ​​Football Insider បានឲ្យដឹងថា ខ្សែការពារស្លាបដែលប្រើល្បឿន Jeremie Frimpong របស់ក្លឹប Bayer Leverkusen គឺត្រូវបាន Man City សម្លឹងឃើញ និងជាជម្រើសដ៏ល្អបំផុតក្នុងការយកមកជំនួសកន្លែង Kyle Walker នៅទីផ្សារដោះដូរខែមករា ឆ្នាំ២០២៥។ ទន្ទឹមនឹងនេះ Frimpong មានវ័យ ២៤ឆ្នាំ និងមានកិច្ចសន្យារហូតដល់ឆ្នាំ ២០២៨ ជាមួយ Bayer Leverkusen៕

ប្រភព៖ SportsMole