Southampton បានបណ្តេញអ្នកចាត់ការ Russell Martin ចេញពីតំណែងជាផ្លូវការណ៍ហើយ ខណៈការសម្រេចចិត្តនេះត្រូវបានធ្វើឡើងតែប៉ុន្មានម៉ោងបន្ទាប់ពីក្រុមរបស់ពួកគេបានប្រកួតចាញ់ភ្ញៀវTottenham ៥-០ ខណៈគ្រាប់បាល់ស៊ុតបញ្ចូលទីនោះកើតមានឡើងនៅត្រឹមតង់ទី១ប៉ុណ្ណោះ។
ក្លឹបដែលមានមូលដ្ឋាននៅឆ្នេរសមុទ្រភាគខាងត្បូងប្រទេសអង់គ្លេសបានបញ្ជាក់យ៉ាងដូច្នេះថាៈ ការចាប់ផ្តើមនៃរដូវកាលនេះ យើងទាំងអស់គ្នាបានដឹងពីបញ្ហាប្រឈមដែលយើងបានជួប ទោះបីជាយើងបានកែប្រែស្ថានភាពក្នុងការវិលមកបន្តលេងនៅក្នុងក្របខ័ណ្ឌកំពូលដែលមានការប្រកួតប្រជែងលីកល្អបំផុតមួយក្នុងពិភពលោក។ប៉ុន្តែពេលនេះយើងទាំងអស់គ្នាត្រូវទទួលស្គាល់និងទទួលយកលទ្ធផលដើម្បីកែលម្អ ។
បច្ចុប្បន្នអ្នកចាត់ការទូទៅក្រុម U-២១របស់ក្លឹប Southampton គឺលោក Simon Rusk កំពុងចូលមកដឹកនាំបន្តជាបណ្តោះអាសន្នរហូតទាល់តែក្លឹបរកឃើញគ្រូបង្វឹកជំនួសជាអចិន្ត្រៃយ៍ឡើងវិញ ខណៈSouthampton ស្ថិតនៅបាតតារាងដោយមានត្រឹមតែ៥ពិន្ទុប៉ុណ្ណោះដែលត្រូវការ៩ពិន្ទុងើបចេញពីតំបន់កាត់ចោល។
ប្រភព:Tribuna
