បរទេស៖ បាត់មុខអស់ពេលជាយូរ! ទីបំផុត Paul Pogba នឹងត្រលប់មកលេងបាល់ទាត់វិញនៅក្នុងខែមីនា ឆ្នាំ២០២៥ ខាងមុខនេះ បន្ទាប់ពីរូបគេបានអនុវត្តការហាមឃាត់នូវការប្រើប្រាស់សារធាតុញៀន ដែលត្រូវបានកាត់បន្ថយពិន័យមកត្រឹម១៨ខែ ។ យោងតាមសារព័ត៌មានអេស្ប៉ាញ Fichajes បានឲ្យដឹងថា Pogba បានច្រានចោលការផ្ទេរទៅកាន់ក្លឹប Newcastle United នៅពេលដែលរូបគេត្រលប់មកពិភពបាល់ទាត់វិញ។

ជាមួយគ្នានោះ Pogba បានធ្វើបទសម្ភាសន៍ជាមួយសារព័ត៌មាន Sky Sports បន្ថែមថា៖ «ខ្ញុំចង់ទៅលេងនៅទីលានកន្លែងណាក៏បាន។ វាជាការហ្វឹកហាត់ដ៏លំបាកតែម្នាក់ឯង។»។

«ការផ្តោតសំខាន់គឺការត្រលប់មកវិញនូវការហ្វឹកហាត់ដ៏សាកសម មិនថានៅលើទីលានប្រកួត និងអ្វីដែលខ្ញុំស្រលាញ់។ ចក្ខុវិស័យរបស់ខ្ញុំគឺបង្ហាញថាខ្ញុំជាកីឡាករបាល់ទាត់ម្នាក់។ Paul Pogba ថ្មីជាមួយនឹងសមត្ថភាពដដែរ ខ្ញុំបានត្រៀមខ្លួនរួចជាស្រេច»៕

ប្រភព៖ SPORTbible