ក្លឹបយក្សរបស់ប្រទេសអេស្ប៉ាញ Real Madrid បានប្រើប្រាស់ឯកសណ្ឋានដ៏ល្បីល្បាញរបស់ខ្លួន ដែលមានពណ៌ស ជាអត្តសញ្ញាណរបស់ពួកគេតាំងពីពេលបង្កើតក្លឹបដំបូងមកក្នុងឆ្នាំ១៩០២ ។ ទោះបីជាយ៉ាងណាមិញ ឯកសណ្ឋានដំបូងបង្អស់របស់ពួកគេគឺមាន អាវ ពណ៌ស និងខោរ ខ្មៅ ឬក៏ ខៀវ ប៉ុន្តែចុងក្រោយត្រូវបានប្តូរទៅជាប្រើប្រាស់ ពណ៌ស សុទ្ធ ដែលតាមលំនាំរបស់ក្លឹបនៅប្រទេសអង់គ្លេស Corinthian FC ដែលប្រើប្រាស់ឯកសណ្ឋាន ពណ៌ស សុទ្ធតែម្តង ។

យោងទៅតាមរបាយការណ៍មួយចំនួនបានបញ្ជាក់ថា មានកីឡាកររបស់ក្លឹប Real Madrid ២រូបនេះបានទៅកាន់ទីក្រុឡុង ដើម្បីទស្សនាការប្រកួតរបស់ក្លឹប Corinthain ក្នុងឆ្នាំ១៩២៦ នៅ The Ov Ground ដែលបច្ចុប្បន្នត្រូវបានប្រើប្រាស់សម្រាប់កីឡាគ្រីឃីត ។ ដោយតាំងពីពេលនោះហើយដែលកីឡាករ Real Madrid ទាំង២នាក់ បានស្នើសុំទៅកាន់ក្លឹបឲ្យផ្លាស់ប្តូរខោររបស់ពួកគេទៅជា ពណ៌ស ដែរ៕