ក្លឹបយក្សនៅប្រទេសអុីតាលី Juventus បានធ្វើដំណើរដោយយន្តហោះទៅកាន់ទឹកដីអង់គ្លេស Birmingham កាលពីថ្ងៃអង្គារក្នុងជំនួប UEFA Champions League ទល់នឹងក្រុម Aston Villa ប៉ុន្ទែកីឡាកររបស់ពួកគេម្នាក់ត្រូវបានជាប់នៅប្រលានយន្តហោះដោយសារតែបញ្ហាឯកសារ ។ យោងទៅតាមសារព័ត៌មានអុីតាលីបានចុះផ្សាយថា កីឡាករ Weah បានចំណាយពេលរាប់ម៉ោងនៅប្រលានយន្តហោះ Birmingham ក្រោយក្រុមប៉ូល្លីសបានទាមទារសួររកឯកសារមួយចំនួន។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

កីឡាករវ័យ២៤ឆ្នាំមានលិខិតឆ្លងដែន បារាំង និងអាមេរិក ប៉ុន្តែក្នុងការធ្វើដំណើរនេះរូបនេះបានយកជាប់ខ្លួនតែលិខិតឆ្លងដែនបារាំងមួយប៉ុណ្ណោះ ។ នាយកដឹកនាំរបស់ក្លឹប​ juventus បានព្យាយាមពន្លឿនដោះស្រាយបញ្ហានេះ ប៉ុន្តែទោះបីជាយ៉ាងណាប៉ូល្លីសនៅតែទាមទាររកឯកសារពួកគេត្រូវការ ដែលជាហេតុធ្វើឲ្យក្រុមទាំងមូលជាប់នៅប្រលានយន្តហោះ ៕