ភ្នាក់ងាររបស់ខ្សែប្រយុទ្ធស្លាបជើងចាស់ដែលញាំញីដោយសាររបួសគឺ Neymar Jr លោក Pini Zahavi បច្ចុប្បន្នមានវ័យ ៦៩ឆ្នាំ បានច្រានចោលការអះអាងដែលថាសាម៉ីខ្លួនត្រៀមវិលត្រលប់ទៅកាន់ក្លឹបកុមារភាព Santos FC នៅឆ្នាំ ២០២៥ខាងមុខ ខណៈបច្ចុប្បន្ន Santos មិនមែនលេងនៅលីកកំពូលប្រេស៊ីលនោះទេពោលគឺពួកគេមានចំណាត់ថ្នាក់នាំមុខតារាងនៅលីកលំដាប់ទីពីរប្រេស៊ីល Serie B  ឯណោះទៅវិញទេ ។ខណៈក្លឹបAl- Hilal មានពាក្យចចាមអារ៉ាមត្រៀមបញ្ចប់កុងត្រារូបគេក្នុងពេលឆាប់ៗនេះដោយសារតែNeymar មិនបានបង្ហាញខ្លួនចូលលេងទៀងទាត់និងនិយាយអោយស្រួលស្តាប់គឺសម្រាកចាំតែបើកប្រាក់ខែនោះ លោក Zahavi សញ្ជាតិអ៊ីស្រាអែលបានបញ្ជាក់ប្រាប់យ៉ាងដូច្នេះថាៈ មិនមានការពិភាក្សាសម្រាប់ Neymar ក្នុងការចាកចេញពី Al Hilal ទេ។ គាត់ស្ថិតនៅក្រោមកិច្ចសន្យាជាមួយក្លឹប ហើយគាត់រីករាយបន្តអាជីពនៅទីនោះ។ឪពុករបស់ Neymar និងខ្ញុំ យើងគឺជាមនុស្សតែ២នាក់គត់ដែលអាចនិយាយអំពីអនាគតរបស់គាត់ ។ ខ្ញុំមិនដឹងថាពាក្យចចាមអារ៉ាមថ្មីៗមកពីណានោះទេ។

សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស

ទោះជាយ៉ាងណា ការចាកចេញពីទឹកដី Saudi Pro League គឺមានជាប់ពាក់ព័ន្ធនឹងការខាតបង់លើផ្នែកហិរញ្ញវត្ថុដ៏សំខាន់សម្រាប់ Neymar ដោយ​សារតែប្រាក់ខែរបស់គាត់នៅ Al Hilal ច្រើនលើសពីអ្វីដែល Santos អាចផ្តល់ជូន។ ទោះយ៉ាងណាប្រសិន Al- Hilal បញ្ចប់កិច្ចសន្យាមុនកាលកំណត់ជាមួយ Neymar នោះពួកគេត្រូវរៀបចំកញ្ចប់សំណងដែលរួមបញ្ចូលប្រាក់ចំណូលពីការលក់ទំនិញ ការឧបត្ថម្ភ និងកិច្ចព្រមព្រៀងពាណិជ្ជកម្ម នឹងប្រាក់ខែ របស់ Neymar ផងដែរ។ សម្រាប់ Neymar ចូលលេងជាផ្លូវការណ័អោយក្លឹបAl-Hilal បានតែ៧លើកប៉ុណ្ណោះដោយសាររបួសកជើងដ៍រាំរៃនិង បាក់ឆ្អឺងជើងក្រោយចាកចេញពីPSG មក កាលពីឆ្នាំ ២០២៣ ដោយគ្មានតម្លៃខ្លួន(Free Transfer)។

ប្រភព: Tribuna