ម្ចាស់ពានបាល់មាស Ballon d’Or ឆ្នាំ ២០២៤កីឡាករ Rodri បានលើកឡើងចំៗពិីឈ្មោះកីឡាករខ្សែប្រយុទ្ធស្លាបក្រុមហង្សក្រហម Liverpool កីឡាករ Mohamed Salah គឺជាគូប្រជែងដ៏ស្វិតស្វាញបំផុតរបស់គាត់នៅក្នុងក្របខ័ណ្ឌ Premier League ។ ខុសពីកីឡាករដទៃទៀតដែលធ្លាប់លេងតួនាទីបម្រើ-ប្រយុទ្ធកន្លងមកបានលើកឈ្មោះពីកីឡាករខ្សែការពារប៉ុន្តែ Rodri បានប្រៀបធៀបកីឡាករអេហ្ស៊ីបទៅនិង Lionel Messi ដោយបានពណ៌នា Salah ជាគូប្រជែងដ៏លំបាកបំផុតរបស់គាត់នៅក្នុងក្របខ័ណ្ឌកំពូលLa Liga កំលុងពេលរូបគេលេងអោយក្រុម At.Madrid ផងដែរ។Rodri ដែលលេងឱ្យ Manchester City បានក្លាយជាអ្នកឈ្នះ Ballon d’Or របស់អេស្ប៉ាញដំបូងគេ ចាប់តាំងពីអតីតកីឡាករអេស្បាញ Luis Suarez បានឈ្នះពានរង្វាន់នេះក្នុងឆ្នាំ ១៩៦០។
គួរកត់សម្គាល់ថានៅក្នុងបទសម្ភាសន៍មួយដែលចុះផ្សាយលើទូរទស្សន៍The Mirror កាលពីថ្ងៃពុធ ទី១៣ ខែវិច្ឆិកា លោក Rodri សមាជិកជ័យលាភី ម្ចាស់ជើងឯក Euro ២០២៤ បានលើកឡើងយ៉ាងដូច្នេះថាៈខ្ញុំចង់និយាយថា Leo (Messi) សម្រាប់កីឡាករដែលពិបាកប្រឈម ហើយនៅ Premier League គឺSalah គាត់ប្រៀបបីដូចជាកាំបិតដ៏មុតស្រួចដែលត្រូវតែប្រុងប្រយ័ត្នរាល់ពេលលេងប្រឈមនិងរូបគេ។
ប្រភព:Dailypost
បរទេសៈ ខ្សែបម្រើប្រយុទ្ធរបស់ក្រុម Liverpool គឺ Luis Diaz បានចេញមកឆ្លើយតបនឹងពាក្យចរចាមរាមដែលថា រូបគេអាចនឹងផ្ទេរទៅកាន់ក្រុម Barcelona ឬក៏លីកកំពូលអារ៉ាប់នៅទីផ្សារខាងមុខនេះ។ ក្នុងកិច្ចសម្ភាសន៍ជាមួយនឹង TNT Sports ក្នុងប្រទេសមីសុីក Diaz បាននិយាយថា គាត់រីករាយជាមួយនឹងជីវិតនៅទឹកដី Anfield និងបន្តបេជ្ញារក្សាកេរ្តិ៍តំណែលជាច្រើនទៀតនៅ Liverpool។អត្ថបទកំពុងចាប់អារម្មណ៍៖ តា Pep ថា៖«ជំនួបប៉ះ Aston Villa ប្រៀបដូចជាវគ្គផ្តាច់ព្រ័ត្រអ៊ីចឹង» សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ទោះបីជារូបគេហាក់រៀងធ្លាក់ទម្រង់លេងកាលពីដើមរដូវកាលបន្តិចមែន ប៉ុន្តែប៉ុន្មានប្រកួតចុងក្រោយនេះរូបគេបានបង្ហាញសមត្ថភាពបានយ៉ាងល្អ និងតែងតែចំណែកមួយក្នុងការរកគ្រាប់បាល់សម្រាប់ក្រុមជានិច្ច។ បច្ចុប្បន្នកិច្ចសន្យារបស់គេនៅសល់ត្រឹមតែ២ឆ្នាំទៀតប៉ុណ្ណោះ ខណៈបច្ចុប្បន្នមិនទាន់មានការចរចារលើការបន្តកុងត្រាថ្មីនៅឡើយ ជាពិសេសមានការចាប់អារម្មណ៍ជាច្រើនពីក្លឹបដទៃទៀត។ Diaz ធ្លាប់បានបង្ហាញចំណាប់អារម្មណ៍ក្នុងក្លឹប Barcelona ផងដែល ខណៈបច្ចុប្បន្នរូបគេកំពុងផ្តោតលើការជួយឲ្យក្រុម Liverpool ឈ្នះពានរង្វាន់ Premier League សារជាថ្មី៕
