(បរទេស)៖ ត្រលប់ទៅអំឡុងឆ្នាំ២០១៥ លោក Zinedine Zidane ធ្លាប់បានបង្ហើបឈ្មោះតារាឆ្នើម ៣រូប ដែលជាកីឡាករដែលរូបគាត់ចូលចិត្តបំផុតនៅអំឡុងពេលនោះ។ យោងតាមសារព័ត៌មាន TNT Sports បានឲ្យដឹងថា លោក Zidane បាននិយាយយ៉ាងដូច្នេះថា «បន្ទាប់ពី Ronaldo និង Messi គឺ Eden Hazard ដែលជាកីឡាករដែលខ្ញុំចូលចិត្ត ហើយវាពិតជាអស្ចារ្យណាស់ក្នុងការមើលពួកគេលេង»។

គួរជម្រាបដែរថា Hazard បានផ្លាស់មកចូលរួមជាមួយ Real Madrid កាលពីឆ្នាំ ២០១៩ ដោយផ្ទេរពី Chelsea ក្នុងតម្លៃប្រមាណ ១៥០លានអឺរ៉ូ ប៉ុន្តែមិនទទួលបានផ្លែផ្កានោះទេ ដោយរូបគេមិនអាចបង្ហាញខ្លួនបានល្អ ដូចកាលនៅ Chelsea នោះឡើយ ខណៈដែលទទួលបានការរិះគន់យ៉ាងខ្លាំងពីសំណាក់អ្នកគាំទ្រនៅកីឡដ្ឋាន Santiago Bernabeu ៕

ប្រភព៖ SPORTbible