ខ្សែការពារ Eder Militão របស់ក្រុមអធិរាជស Real Madrid បានរងរបួសសរសៃពួរ ACL ជាលើកទីពីរក្នុងអាជីព កំលុងការប្រកួតដែលម្ចាស់ផ្ទះ Real Madrid បានយកឈ្នះក្រុមភ្ញៀវ Osasuna ដោយលទ្ធផល ៤ទល់និង០កាលពីយប់ថ្ងៃសៅរ៏ម្សិលមិញនេះ ខណៈ ខ្សែបម្រើស្លាប Vinicius Junior ធ្វើបានHat-trick នៅនាទីទី៣៤,៦១,៦៩ ខណៈBellingham រកបាន១គ្រាប់ផងដែឬនៅនាទី៤២។ទោះបីជាជ័យជំនះក្នុងផ្ទះលើកដំបូងរយៈពេល៣ប្រកួតចុងក្រោយ ប៉ុន្តែក្រុមលោក Carlo Ancelloti បានបាត់បង់ខ្សែការពារអន្តរជាតិប្រេស៊ីលដែលជាជម្រើសទី១របស់ក្រុម ក្រោយការចាកចេញរបស់អតីតកីឡា ករ Raphael Verane នៅឆ្នាំ ២០២១គឺ Militão បច្ចុប្បន្នមានវ័យ ២៦ឆ្នាំមានអការៈឈឺចាប់យ៉ាងខ្លាំងនៅលើជើងស្តាំរបស់គាត់ហើយត្រូវក្រុមគ្រូពេទ្យសែងចេញពីទីលាន ដែលអាចនិងធ្វើការវះកាត់ និង ត្រៀមសម្រាកពេញមួយរដូវកាល។

មិនមែនតែកីឡាករ Militao នោះទេ ក្រុមម្ចាស់ផ្ទះដែលទើបតែរកជ័យជំនះឃើញលើកដំបូងក្រោយចាញ់ក្នុងផ្ទះ២ប្រកួតចុងក្រោយជាប់គ្នា បានប្រឈមអវត្តមានកីឡាករ Rodrygo ដោយសារបញ្ហារបួសជើងផងដែរ ប៉ុន្តែមិនទាន់ត្រូវបានក្លឹបបញ្ជាក់ជាផ្លូវការណ៍នោះទេ ខណៈរូបគេត្រូវបានប្តូរជំនួសដោយមិត្តរួមក្រុម Brahim Diaz។ ជាចុងក្រោយកីឡាករដែលត្រូវប្តូរចេញនៅពេលបញ្ចប់តង់តី១គឺខ្សែការពារស្លាបស្តាំ Lucas Vazquez មានបញ្ហារបួសត្រូវប្តូរចេញដូចគ្នា។ ក្រុមការពារតំណែងជើងឯកLa Liga មានបញ្ហារបួសកីឡាករសំខាន់ ៗមួយចំនួនទៅហើយមានដូចជា Dani Carvajal, Thibaut Courtois, Aurelien Tchouameni, and David Alaba ជាដើមនោះ។
ប្រភព:Indiatoday
វីដេអូ: