អ្នកចាត់ការទូទៅរបស់ក្រុម Fenerbahce លោក Jose Mourinho បានលើកឡើងពីឈ្មោះក្រុមសារិកាព្រៃ Newcastle United ជាក្លឹបដ៏ស័ក្តសម្រាប់រូបលោកក្នុងការវិលត្រល់ប់មកកាន់ក្របខណ្ឌ EPL របស់អង់គ្លេសវិញ ប្រសិនជាអ្នកចាត់ការបច្ចុច្បន្នគឺលោក Eddie Howe និងត្រូវចាកចេញពីក្លឹបនោះ។គួររំលឹកថាបច្ចុប្បន្នលោក Mourinho គ្រូបង្វឹកសញ្ជាតិព័រទុយហ្គាល់មានវ័យ៦១ឆ្នាំរូបនេះ កំពុងពិចារណាក្នុងការផ្លាស់មកកាន់ទឹកដីអង់គ្លេសជាលើកទី៥ក្រោយធ្លាប់ដឹកនាំក្រុមតោខៀវ Chelsea ពីរដង ចន្លោះឆ្នាំ ២០០៤ដល់ ២០០៧ និង ២០១៣ ដល់២០១៥ មុនពេលដឹកនាំក្រុមបិសាចក្រហម Manchester United នៅឆ្នាំ២០១៦ ដល់២០១៨ និង Tottenham នៅឆ្នាំ២០១៩ដល់២០២១។
.png?auto=webp&format=pjpg&width=3840&quality=60)
ប្រភពពីគេហទំព័រ The Guadian បានចុះផ្សាយថាៈ គ្រូបង្វឹកដែលធ្លាប់ឈ្នះជើងឯក Champions League ជាមួយ Porto និង Inter Milan ធ្លាប់បានជួបជាមួយប្រធានក្លឹប Newcastle លោក Yasir al-Rumayyan កាលពីខែមីនា ក្រោយពីអ្នកាត់ការសញ្ជាតិព័រទុយហ្គាល់ហាក់ដូចជាមិនសប្បាយចិត្តនិងអាជីពនៅក្នុងប្រទេសទួរគី បន្ទាប់ពីមានការរិះគន់ប្រឆាំងនឹងដំណើរការលីក និងមន្ត្រីប្រទេសនៅប៉ែកឥសាន្តនៃទ្វីបអឺរ៉ុបមួយនេះ។ បច្ចុប្បន្ន Fenerbahce បានធ្លាក់មកនៅលេខរៀងទី៣ វិញហើយក្រោយប្រកួត១០ដងមាន ២៣ពិន្ទុនិងមានគម្លាត៥ពិន្ទុពីក្រុមកំពូលតារាងលីកកំពូលតួគី។
អង់គ្លេស៖ ខ្សែប្រយុទ្ធឆ្នើម Marcus Rashford ដែលកំពុងលេងខ្ចីជើងនៅក្រុម Aston Villa បង្ហាញអារម្មណ៍សៅហ្មង ថាខ្លួននឹងមិនមានជំនឿចិត្តថាអាចវិលត្រលប់មកលេងឲ្យក្លឹបបិសាចក្រហម Manchester United ក្រោមការដឹកនាំរបស់លោក Ruben Amorim ដែលជាគ្រូបង្គោលនោះទេ។ បើទោះជាយ៉ាងណា ខ្សែប្រយុទ្ធស្លាបវ័យ ២៧ឆ្នាំ មិនទាន់សម្រេចចិត្តអំពីអនាគតរបស់ខ្លួន ថាបន្ត ឬក៏ ចាកចេញនោះទេ នៅពេលចប់ការខ្ចីជើងនៅចុងរដូវកាលនេះ។អត្ថបទកំពុងចាប់អារម្មណ៍៖ Barca ទទួលបានសំណើរ១០០លានអឺរ៉ូពីអារ៉ាប់ដែលចង់ខ្សែប្រយុទ្ធដ៏ឆ្នើមម្នាក់របស់ខ្លួន សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស គួរជម្រាបដែរថា Rashford មានកិច្ចសន្យាកុងត្រាជាមួយបិសាចក្រហមរហូតដល់ឆ្នាំ ២០២៨ ឯណោះ៕ ប្រភព៖ BBC
