(អេស៉្បាញ)៖ បើយោងតាមការចុះផ្សាយរបស់សារព័ត៌មាន AS បានឲ្យដឹងថា លោក Carlo Ancelotti ដែលជាគ្រូបង្វឹកក្រុមអធិរាជស Real Madrid អាចនឹងត្រូវកោះហៅខ្សែការពារវ័យត្រឹម ២០ឆ្នាំ David Jiménez ដើម្បីមកបំពេញបន្ថែមសម្រាប់ជំនួសតំបន់ខ្សែការពារស្តាំ Dani Carvajal ដែលរូបគាត់ជួបបញ្ហារងរបួសសរសៃពួរធ្ងន់ធ្ងរនៅដើមខែនេះ ហើយវាក៏ជាដំណឹងល្អសម្រាប់ហង្សក្រហម Liverpool ផងដែរ។
គួរជម្រាបដែរថា Jiménez គឺជាកីឡាករក្រុមថ្នាលយុវជនរបស់ Real Madrid Castilla ខណៈរូបគេធ្លាប់ចូលលេងឲ្យក្លឹបឈុតធំទល់នឹង Alaves ផងដែរ។ ទន្ទឹមនឹងនេះ Ancelotti នឹងដាក់រូបគេឲ្យចូលលេងសម្រាប់ការប្រកួត ‘El Clasico’ ជាមួយ Barcelona នៅយប់ថ្ងៃសៅរ៍រំលងអាធ្រាតខាងមុខនេះ៕
ប្រភព៖ SPORTbible
(អង់គ្លេស)៖ ប្រធានក្រុមហង្សក្រហម Liverpool គឺខ្សែការពារកណ្តាល Virgil van Dijk បាននិយាយថា គាត់បានបើកការពិភាក្សាជាមួយក្លឹបអំពីការចុះហត្ថលេខាលើកិច្ចព្រមព្រៀងថ្មីមួយ នេះបើតាមសារព័ត៌មាន BBC ។ កីឡាករវ័យ ៣៣ឆ្នាំ លេងនៅ Anfield ចាប់តាំងពីខែមករា ឆ្នាំ២០១៨ ហើយកិច្ចសន្យាបច្ចុប្បន្នរបស់គាត់នឹងអស់សុពលភាពនៅចុងបញ្ចប់នៃរដូវកាលនេះ។អត្ថបទកំពុងចាប់អារម្មណ៍៖ គ្រូ Real Madrid ត្រៀមដាក់កីឡាករវ័យជំទង់ម្នាក់ជំនួស Carvajal ឲ្យចូលលេង El Clasico ទល់នឹង Barcelona សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ខ្សែការពារសញ្ជាតិហូឡង់ [Van Dijk] បានថ្លែងថា៖ «ការពិភាក្សាកំពុងបន្ត យើងនឹងឃើញនូវអ្វី ដែលកើតឡើងនាពេលអនាគត។ ខ្ញុំផ្តោតអារម្មណ៍ទាំងស្រុងទៅលើ Liverpool ដោយចង់ឈ្នះការប្រកួតដែលនៅពីមុខខ្ញុំ ហើយគ្មានអ្វីផ្សេងទៀតទេ។ អ្វីដែលនៅពេលអនាគតនឹងនាំមក ខ្ញុំមិនទាន់ដឹងទេនៅពេលនេះ។ ខ្ញុំគ្រាន់តែអាចប្រាប់បានថា ការពិភាក្សាបានចាប់ផ្តើមហើយ»៕ ប្រភព៖ BBC