(អង់គ្លេស)៖ ក្លឹបមេឃខៀវ Manchester City បានវាយបកយកឈ្នះ ២-១ វិញទៅលើម្ចាស់ផ្ទះ Wolverhamton Wanderers នៅរាត្រីថ្ងៃអាទិត្យ ដើម្បីបន្តក្តោបក្តាប់កំណត់ត្រាលេង ៨ប្រកួត ក្នុងលីគ Premier League នារដូវកាលឆ្នាំ២០២៤-២០២៥ មិនទាន់ស្គាល់ចាញ់។
ការប្រកួតដែលត្រូវបានធ្វើឡើងនៅកីឡដ្ឋាន Molineux ក្រោមក្រសែភ្នែកអ្នកទស្សនាផ្ទាល់ប្រមាណជាង ៣ម៉ឺនាក់ផងនោះ កីឡាករ Larsen ជាអ្នករកបានគ្រាប់នាំមុខឱ្យម្ចាស់ផ្ទះត្រឹមចាប់ផ្តើមលេងបានតែ ៧នាទីប៉ុណ្ណោះ នៅមុនពេល Doku បោះបាល់ឱ្យ Gvardiol បញ្ចប់ទីតាមស្មើវិញ នៅចុងម៉ោងនៃវគ្គទី១។
/origin-imgresizer.eurosport.com/2024/10/20/4053365-82204948-2560-1440.jpg)
ក្លឹប Man City ដែលជាជើងឯកលីគ ៤សម័យកាលចុងក្រោយជាប់ៗនេះ បន្តរកបានជ័យជម្នះជាលើកទី៦ របស់ពួកគេស្ថិតក្រោមការគ្រប់គ្រងរបស់លោក Pep Guardiola តាំងពីឆ្នាំ២០១៦ មកនោះ ពីការតែតបញ្ចូលទីបានសម្រេចនៅនាទី៩៥ របស់ខ្សែការពារ John Stones នៅពេលទទួលបាល់លើកចេញពីជ្រុងរបស់ Phil Foden។
តាមរយៈ ៣ពិន្ទុដ៏សំខាន់ក្រៅដីនេះដែរ បានញាំងឱ្យពួកគេលេង ៨ប្រកួតជើងទី១ មិនចាញ់ឡើយ ក្រៅពីស្មើ ២ដង ដោយមាន ២០ពិន្ទុ តាមពីក្រោយ Liverpool ដែលឈរទីកំពូលតារាងត្រឹម ១ពិន្ទុ ស្របពេល Wolves បន្តឈរតារាងក្នុងចំណោម ២០ក្រុម មិនទាន់ឈ្នះ មានតែ ១ពិន្ទុប៉ុណ្ណោះ៕
ប្រភព៖ BBC
ក្រុមមាន់ក្នាយមាស Tottenham Hotspur ត្រូវបានគេរាយការណ៍ថា បានពិចារណាក្នុងការនាំយកអតីតគ្រូបង្វឹករបស់ក្រុម Marseille គឺលោក Roberto De Zerbi ក្នុងនាមជាអ្នកមកជំនួសកន្លែងរបស់លោក Ange Postecoglou ។ អតីតក្រុមប្រឹក្សាភិបាលរបស់ Spur គឺលោក Fabio Paratici បានមើលឃើញលោក De Zerbi ជាបុគ្គលសាកសមបំផុត និងបានជម្រុញឲ្យក្រុម Spur ពិចារណាលើគ្រូបង្វឹករូបនេះ ។ លោក De Zerbi ក៏ធ្លាប់មានបទពិសោធន៍ជាមួយនឹងបាល់ទាត់អង់គ្លេសផងដែរ ដោយពេលនោះរូបលោកបានដឹកនាំក្រុម. Brighton នឹងបានដឹកនាំឲ្យក្រុមបានឡើងទៅដល់វគ្គជម្រុះ UEFA Europa League ជាលើកដំបូងក្នុងប្រវត្តិសាស្ត្ររបស់ក្លឹប៕អត្ថបទកំពុងចាប់អារម្មណ៍៖ ស្ងាត់ៗ ក្រុម Spur មើលឃើញអ្នកជំនួសលោក Ange Postecoglou សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
