ប្រធានក្លឹប Barcelona លោក Joan Laporta បានបញ្ជាក់ពីពាក្យចចាមអារ៉ាមដែលបានលើកឡើងថាខ្សែបម្រើ-ប្រយុទ្ធស្លាប Lamine Yamal ត្រូវបានក្លឹបយក្សមួយនៅទ្វីបអឺរ៉ុប ធ្វើការដេញថ្លៃនូវទឹកប្រាក់ប្រមាណ២៥០ លានអឺរ៉ូនុងអំឡុងពេលទីផ្សារដោះដូរកីឡាករបើកមុនរដូវកាលថ្មិចាប់ផ្តើម។ទោះបីជាមិនបានបញ្ជាក់ថាក្លឹបណាមួយបានដាកសំណើរដេញថ្លៃនេះក៏ប្រភពពត៌មាននៅប្រទេសអេស្បាញបានចុះផ្សាយព្រមជាមួយការអះអាងពីសំណាក់ប្រធានក្លឹបរូបនេះជាការពិតមិនមែនជាពាក្យចចាមអារ៉ាមហើយនោះគឺគ្មាននរណាក្រៅពីក្រុមអ្នកមានបារាំង PSG នោះឡើយ។

ផ្ទុយទៅវិញ និង មិនបង្អង់យូរបុរសសញ្ជាតិអេស្បាញក៏បានលើកឡើងវិញភ្លាមៗមិនបង្អង់យូរដោយបានបដិសេធក្រុមជើងឯកបារាំងមួយនេះ។

គួររំលឹកថាកីឡាករវ័យជំទង់បច្ចុប្បន្នមានវ័យ ១៧ឆ្នាំ ដ៍មានទេពកោសល្យរូបនេះបានបង្ហាញខ្លួនជាលើកដំបូងសម្រាប់ក្រុមអ្នកមានបុណ្យ Barcelona នៅពេលដែលរូបគេមានវ័យត្រឹមតែ១៥ឆ្នាំ ហើយបានបញ្ចេញសមត្ថភាព និង កសាងកេរ្ត៍ឈ្មោះនៅក្នុងក្រុមឈុតធំដំបូងយ៉ាងទៀងទាត់កាលពីរដូវកាលមុន។ Yamal បានបន្តមានកេរ្ត៍ឈ្មោះល្បីរន្ទឺថែមទៀត នៅពេលដែលរូបគេបានជួយអោយអេស្បាញឈ្នះពាន Euro ២០២៤ ពេលរកគ្រាប់បាល់ផ្តួលក្រុមមាន់គកបារាំងក្នុងវគ្គពាក់កណ្តាលផ្តាច់ព្រ័ត្រ មុនពេលជួយអេស្ប៉ាញយកឈ្នះលើក្រុមអង់គ្លេសនៅវគ្គផ្តាច់ព្រ័ត្រ។

ការពិត Barcelona ធ្លាប់មានប្រវត្តិលក់ Neymar ទៅ PSG ក្នុងតម្លៃ 198 លានផោនដែលជាកំនត់ត្រាថ្លៃបំផុតមកដល់បច្ចុប្បន្នមិនទាន់មានកីឡាករណាបំបែកកាលពីឆ្នាំ ២០១៧ ទោះយ៉ាងណា PSG មិនអាចទិញ Yamal ដូចដែលគេធ្លាប់បានធ្វើកាលពីអតីតកាលលើ Legend របស់ពួកគេនោះទេ។ នោះក៏ព្រោះតែ Lamine មានតម្លៃទិញផ្តាច់កុងត្រា១ពាន់លានយូរ៉ូលើកកិច្ចសន្យារយៈពេល ៣ ឆ្នាំក្រោយពីរូបគេបានបន្តកុងត្រាថ្មីកាលពីខែតុលា ឆ្នាំ ២០២៣នោះ ។ ហើយបើទោះបីជារងបញ្ហាហិរញ្ញវត្តុដូចជាត្រូវកាត់បន្ថយប្រាក់ឈ្នួលកីឡាករ ប៉ុន្តែដាច់ខាតក្រោយចូលមកកាន់តួនាទីលើកទីពីរលោក Laporta មិនចង់លក់កីឡាករឆ្នើមរូបនេះក្រោមហេតុផលបញ្ហាហិរញវត្តុនៅជំនាន់ដែលរូបលោកដឹកនាំនោះទេ។

ប្រភព:Yahoo