(អាល្លឺម៉ង់)៖ យោងតាមសារព័ត៌មាន Bild បានឲ្យដឹងថា គ្រូបង្វឹកក្លឹប Stuttgart លេងនៅលីគ Bundesliga លោក Sebastian Hoeness “បានបដិសេធ” នូវឱកាសក្លាយជាអ្នកចាត់ការក្លឹបបិសាចក្រហម Manchester United ដើម្បីជំនួសតំណែងលោក Erik ten Hag នៅរដូវក្តៅខាងមុខ។
ជាមួយគ្នានោះ ក្លឹបបានទាក់ទងជាមួយបុរសវ័យ ៤២ឆ្នាំ បើទោះបីត្រូវបានបដិសេធភ្លាមៗ ខណៈដែលគាត់ចង់បន្តនៅ Stuttgart ដើម្បីកសាងទម្រង់ឱ្យកាន់តែជោគជ័យ។ Stuttgart បានបញ្ចប់ក្នុងចំណាត់ថ្នាក់លេខ២ នៅ Bundesliga តាមពីក្រោយក្រុមជើងឯក Bayer Leverkusen កាលពីរដូវកាលមុន។
គួរជម្រាបដែរថា Hoeness បានចុះកិច្ចសន្យាបន្តជាមួយ Stuttgart រហូតដល់ឆ្នាំ ២០២៧៕
ប្រភព៖ SportsMole & The Metro
ខ្សែប្រយុទ្ធស្លាបរបស់ក្រុម Borussia Dortmund គឺកីឡាករ Jamie Gittens ត្រូវបានគេរាយការណ៍ថា កំពុងសម្លឹងមើលការផ្ទេរទៅកាន់ក្របខណ្ឌ Premier League នៅទីផ្សាររដូវក្តៅខាងមុខនេះ។ កីឡាករវ័យ២០ឆ្នាំរូបនេះបានទទួលការចាប់អារម្មណ៍ពីក្រុម Arsenal និង Chelsea ព្រមទាំងក្រុម Liverpool, Spur និង Bayern Munich ផងដែរ។ Dortmund បានបញ្ជាក់ថាតម្លៃខ្លួនរបស់កីឡាកររូបនេះគឺមានតម្លៃរហូតដល់ទៅ១០០លានអឺរ៉ូឯណោះ៕អត្ថបទកំពុងចាប់អារម្មណ៍៖ Arsenal និង Chelsea កំពុងប្រជែងគ្នាក្នុងការចុះកុងត្រាលើខ្សែប្រយុទ្ធម្នាក់នៅទីផ្សារខាងមុខ សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
