កីឡាករ ខ្សែប្រយុទ្ធ Milutin Osmajic របស់ក្លឹប Preston North End ត្រូវរងពិន័យ ៨ ប្រកួត និងពិន័យជាប្រាក់ប្រមាណ១៥,០០០ ផោនបន្ទាប់ពីកីឡាកររូបនេះបានបញ្ចេញសកម្មភាពខាំខ្សែការពារ គូបដិបក្សគឺកីឡាករ Owen Beck របស់ក្រុម Blackburn Rovers ។ឧប្បត្តិហេតុដ៏ចម្លែកនិងកម្រកើតមានឡើងនេះបានកើតឡើងអំឡុងពេលការប្រកួតលីកលំដាប់ទីពីរអង់គ្លេស Championship កាលពីខែកញ្ញា ខណៈក្រុមទំាងពីរមានភាពតានតឹងបានកើនឡើងនៅចុងការប្រកួត ។ការពិតបើគ្មានភ្លើងគឺគ្មានផ្សែងទេ ព្រោះOwen Beck ត្រូវបណ្តេញចេញក្រោយបង្កហឹង្សាទាត់កីឡាករ Duane Holmes របស់ Preston ពីដំបូង ឃើញដូច្នេះ Milutin Osmajic ក៏បានបញ្ចេញកំហឹងខាំដើម្បីសងសឹកជំនួសមិត្តរួមក្រុមតែម្តងទៅ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ក្រោយចប់ការប្រកួតក្នុងលទ្ធផល ០ទល់និង០ គ្រូបង្វឹក Blackburn លោក John Eustace បានបញ្ជាក់ថា Beck ដែលជាជាជនរងគ្រោះត្រូវបានអាជ្ញាធរ និង មន្រ្តីរៀបចំការប្រកួតនាំយកទៅសួរនាំនិងធ្វើការស៊ើបអង្កេតក្រោមការយកចិត្តទុកដាក់ពីសហព័ន្ធាបាល់ទាត់អង់គ្លេសហៅកាត់ថា FA ផងដែរ ។
កន្លងមកក្នុងមជ្ឍដ្ឋានបាល់ទាត់នៅក្របខណ្ឌ EPL មានអតីតកីឡាករLiverpool គឺ Luis Suarez ធ្លាប់ខាំគូបដិក្ស គឺ Branislav Ivanovic របស់ Chelsea និង Giorgio Chiellini របស់ អ៊ីតាលីផងដែរ។
ប្រភព:Tribuna
វីដេអូ:
