Mateo Kovacic បានស៊ុតបញ្ចូលទី២គ្រាប់យ៉ាងល្អ ខណៈមិត្តរួមក្រុមសញ្ជាតិបែលហ្សិក Geremy Doku ក៏រកបាន១គ្រាប់យ៉ាងល្អ នាំអោយក្រុមម្ចាស់ផ្ទះមេឃខៀវ Man. City វិលត្រលប់មករកជ័យជំនះវិញ ក្នុងការប្រកួតកាលពីថ្ងៃសៅរ៍នៅក្របខណ្ឌ EPLដោយលទ្ធផល ៣ទល់និង២ជាមួយក្រុមភ្ញៀវ Fulham ទោះបីជាពួកគេបានរកគ្រាប់បាល់ដោយអតីតកីឡាករ Man.Utd គឺ Andre Perriera នាំមុខមុនក៏ដោយ។ ក្រោយទទួលជ័យជំនះគ្រូបង្វឹក Pep Guardiola បាននិយាយដោយទឹកមុខញញឺមថាៈការបំពេញកាតព្វកិច្ចរបស់ Kovacic គឺ Copy និង Pass របៀបលេងរបស់Rodriបេះបិទតែម្តង ។
គួររំលឹកថាខ្សែបម្រើកណ្តាលដ៏មានឥទ្ធិពលគឺ Rodri Hernandez ដែលជាខ្សែបម្រើ-ការពារដ៏សំខាន់របស់ក្រុមមេឃខៀវ Man. City រងរបួសសរសៃពួរជង្គង់និងត្រូអវត្តមានរហូតដល់បញ្ចប់រដូវកាល ខណៈមជ្ឈដ្ឋាន និងគ្រូបង្វឹកបានចាត់ទុកតួនាទីរបស់កីឡាករអន្តរជាតិអេស្បាញគឺមិនអាចមានអ្នកមកជំនួសបាននោះទេ ។
ទោះយ៉ាងណាក្រោយពីRodri រងរបួសខ្សែបម្រើអន្តរជាតិក្រូអាតគឺ Kovacic បានលេងចាប់ដៃគូគ្នាជាមួយខ្សែបម្រើជើងចាស់អន្តរជាតិអាឡឺម៉ង់ Ilkay Gundogan ដោយបានបំពេញតួនាទីយ៉ាងល្អដូចក្នុងការប្រកួតនេះ។ សម្រាប់ គ្រាប់បាល់២គ្រាប់របស់ Kovacicបានក្លាយជាលើកទីពីរ បន្ទាប់ពីការស៊ុតបាល់បញ្ចូលទីក្នុងវគ្គជម្រុះ Europa League ឆ្នាំ ២០១៤ កំលុងការប្រកួតអោយ Inter Milan ទល់នឹងក្រុម Stjarnan របស់អ៊ីស្លង់។ក្រោយបញ្ចប់ការប្រកួត Kovacic បានបញ្ជាក់ពីការ អបអរគ្រាប់បាល់ស៊ុតបញ្ចូលទីដោយការជញ្ជក់មេដៃថាៈវាមានន័យខ្លាំងណាស់ ដោយសារតែប្រពន្ធរបស់ខ្ញុំមានផ្ទៃពោះ ដូច្នេះវាពិតជាល្អណាស់ក្នុងការរកគ្រាប់បាល់ត្រៀមសម្រាប់សមាជិកថ្មី។
ប្រភព:BBC
វីដេអូ:
បរទេសៈ Liverpool ត្រូវបានគេរាយការណ៍ថា មិនបានចាប់អារម្មណ៍លើការចុះកុងត្រាលើខ្សែបម្រើឆ្នើម Kevin De Bruyne ដែលនឹងផុតកុងត្រាជាមួយនឹងក្រុមនៅពេលចប់រដូវកាលនេះ។ ការសម្រេចចិត្តនេះគឺកើតឡើងដោយលោក Arne អ្នកចាត់ការទូទៅរបស់ក្រុមហង្សក្រហម ដោយលោកចង់ផ្តោតលើកីឡាករយុវជនច្រើនជាង ជាពិសេសផ្តោតលើតំបន់ដែលក្រុមរបស់លោកកំពុងខ្វះខាតនាពេលបច្ចុប្បន្នជាមួយនឹងការចាកចេញរបស់ខ្សែការពារស្លាបគឺ Trent Alexander Arnold ទៅកាន់ Real Madrid ៕អត្ថបទកំពុងចាប់អារម្មណ៍៖ ស្ងាត់ៗ ក្រុម Spur មើលឃើញអ្នកជំនួសលោក Ange Postecoglou សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
