បរទេស: ទីបំផុតសហព័ន្ធបាល់ទាត់ទ្វីបអឺរ៉ុបបានទទួលស្គាល់ចំណុចខ្វះខាតរបស់មន្ត្រីក្នុងការកាត់សេចក្តីការប្រកួតវគ្គផ្តាច់ព្រ័ត្រពានរង្វាន់ EURO 2024 ដែលក្រុមជម្រើសជាតិអេស្ប៉ាញទទួលបានជើងឯកដោយផ្តួលក្រុម អាល្លីម៉ង់ ដោយការតែតបញ្ចូលទីដោយ Mikel Merino ក្នុងម៉ោងបន្ថែម។ យ៉ាងណាមិញ បើយើងក្រឡែកទៅមើលអំឡុងដែលក្រុមទាំង២ស្ថិតក្នុងលទ្ធផល១ស្មើ ដែលកីឡាករ Jamal Musiala បានទាត់បាល់ទាត់ប៉ះដៃកីឡាករ Marc Cucurella ដែលមហារជនគិតសាកសមទទួលបានបាល់ប៉េណាល់ទី។ ប៉ុន្តែទោះបីជាយ៉ាងមិញ ក្រោមការសម្រេចចិត្តរបស់លោក Anthony Taylor និងមន្ត្រីអាជ្ញា VAR បានបដិសេធក្នុងផ្តល់បាល់ប៉េណាល់ទីទៅឲ្យអាល្លីម៉ង់ ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
បច្ចុប្បន្នវា២ខែមកហើយ ពីការប្រកួតមួយនោះ ដោយបច្ចុប្បន្នគណៈកម្មាធិការអាជ្ញាកណ្តាល UEFA បានទទួលស្គាល់ថា ការពិន័យគួរតែត្រូវបានផ្តល់ឲ្យក្រុមអាល្លីម៉ង។ នៅក្នុងសេចក្តីថ្លែងការណ៍មួយកាលពីថ្ងៃច័ន្ទ UEFA បានប្រកាសថា “ដោយធ្វើតាមការណែនាំចុងក្រោយរបស់ UEFA ការប៉ះដៃនៅក្នុងតំបន់គ្រោះថ្នាក់នឹងត្រូវរឹតបន្តឹងបន្ថែមទៀត ហើយក្នុងករណីភាគច្រើនការទាត់បាល់ពិន័យគួរតែត្រូវបានផ្តល់ លើកលែងតែដៃរបស់ខ្សែការពារនៅជិតរាងកាយ ឬជាប់ជាមួយរាងកាយ។ ក្នុងករណីនេះ [Cucurella] ខ្សែការពារបញ្ឈប់ការទាត់ចំគោលដៅ ដោយដៃរបស់គាត់ ដែលមិននៅជិតរាងកាយ ដូច្នេះការទាត់បាល់ពិន័យ គួរតែត្រូវបានផ្តល់ឲ្យ”៕
