អតីតតារាឆ្នើមក្រុមតោខៀវ Chelsea លោក Joe Cole បច្ចុប្បន្នក្នុងនាមជាអ្នកវិភាគពត៌មានកីឡាបាល់ទាត់ប្រចាំទូរទស្សន៍ Sky Sport បានលើកឡើងថាៈកីឡាករAntony កំពុងស្ថិតក្នុងដំណាក់កាលនៃការខិតកាន់តែកៀកក្នុងការចាកចេញ ពីក្លឹបបិសាចក្រហម Man. United នៅពេលទីផ្សារដោះដូរកីឡាករនិងបើកដំណើរការជាលើកទីពីរនៅខែមករា ខាងមុខនេះ។ គួរកត់សម្គាល់ថា Antony មិនទាន់បានចូលលេងឱ្យ Man United នៅក្របខណ្ឌ Premier League នៅរដូវកាលនេះទេប៉ុន្តែកីឡាករសញ្ជាតិប្រេស៊ីលរូបនេះ ទើបតែត្រូវបានគ្រូបង្វឹកលោក Erik Ten Hag ដាក់អោយចូលលេងក្នុងការប្រកួតទល់និង Barnsley នៅក្របខណ្ឌ EFL Cup ប៉ុណ្ណោះ។
Cole បានបញ្ជាក់យ៉ាងដូច្នេះថាៈAntony នៅ Man. United ខុសពីនៅហូឡង់។ខ្ញុំយល់ថាគាត់ជាកីឡាករដែលមានសមត្ថភាពល្អឥតខ្ចោះសម្រាប់លីកហូឡង់ ទាំងកាយសម្បទា ប៉ុន្តែនៅក្របខណ្ឌ Premier League គាត់កំពុងតស៊ូយ៉ាងលំបាក និង មិនទាន់អាចសម្របខ្លួនបានទេ។ការពិតប្រសិនជាគាត់មិនទាន់បានចូលលេងនៅ EPL ប៉ុន្តែផ្អែកលើអ្វីដែលគាត់ មានគឺទេពកោសល្យជាមួយនឹងបច្ចេកទេស និងជំនាញដ៏អស្ចារ្យ នោះយើងពិតជាឃើញគាត់បញ្ចេញចំនុចទាំងអស់នេះកំលុងពេលលេងទល់និង Barnsleyហើយមែនអត់? ។ប៉ុន្តែខ្ញុំមិនបានឃើញរឿងអស់ទាំងនេះទាល់តែសោះទោះបីរកបានគ្រាប់បាល់ប៉ែណាំងទីក៏ដោយ។ ដូច្នេះខ្ញុំគិតថាគាត់ត្រៀមខ្លួននិងចាកចេញឆ្ងាយពីក្លឹបបន្តិចម្តងៗនៅពេលនេះ។
ប្រភព: Goal
