អ្នកចាត់ការទូទៅក្រុមហង្សក្រម Liverpool លោក Arne Slot បានលើកឡើងថា អ្នកចាំទីជម្រើសដំបូង Alisson Becker នៅមិទាន់ប្រាកដថាអាចចូលលេងពេលពួកគេត្រូវទទួលក្រុមភ្ញៀវ Bournemouth ក្នុងការប្រកួត Premier League នៅថ្ងៃសៅរ៍នេះបានដោយសារបញ្ហាសរសៃពួរសាច់ដុំ។Alisson អ្នកចាំទីសញ្ជាតិប្រេស៊ីលបានចូលលេង ៤ប្រកួតហើយ នៅរដូវកាលនេះ ព្រមជាមួយការបង្ហាញខ្លួនចុងក្រោយនៅក្របខណ្ឌ Champions League ពេលផ្តួល AC Milan កាលពីថ្ងៃអង្គារ។ មិនត្រឹមតែប៉ុណ្ណោះអតីតកីឡាករ Roma រូបនេះ ក៏បានបង្ហាញខ្លួនចូលេងអោយក្រុមសាំបាប្រេស៊ីលនៅព្រឹត្តការណ៍ Copa America និងការប្រកួតជម្រុះ World Cup ២០២៦ នៅតំបន់ឡាទីន ផងដែរ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
គ្រូបង្វឹកហូឡង់វ័យ ៤៥ឆ្នាំធ្លាប់បានប្រាប់កាលពីថ្ងៃសុក្រ ប្រសិន Alisson មិនមានវត្តមានមកហ្វឹកហាត់នៅថ្ងៃសុក្រនោះគាត់ប្រហែលជាមិនបានលេងទេ។ យើងត្រូវរង់ចាំមើល។ ទីបំផុត Alisson មិនត្រូវបានឃើញបង្ហាញខ្លួនហ្វឹកហាត់និងជំនួសមកវិញដោយកីឡាករ Caoimhin Kelleher និង Vitezslav Jaros ។
សម្រាប់Kelleherកីឡាករសញ្ជាតិអៀឡង់ ធ្លាប់បានចូលលេងជំនួសAlisson ធ្លាប់អវត្តមានអស់រយៈពេលជាង ២ ខែសម្រាប់ក្លឹប។
ប្រភព: BBC
