ដោយចាប់ផ្តើមបង្ហាញវត្តមានជាលើកទី ១៧ ជាប់ៗគ្នានៅក្នុង Champions League ក្រុមយក្សអាល្លឺម៉ង់ Bayern Munich នឹងត្រូវធ្វើការស្វាគមន៍ក្រុម Dinamo Zagreb របស់ក្រូអាតមកកាន់កីឡដ្ឋាន Allianz Arena នៅវេលាម៉ោង២រំលងអធ្រាតឈានចូលថ្ងៃពុធស្អែកនេះ។ក្រុមម្ចាស់ជើងឯកទ្វីបអឺរ៉ុបUCLប្រាំសម័យកាលត្រូវបានខកខានលើកពាន Bundesliga កាលពីរដូវកាលមុន ប៉ុន្តែក្រោមការដឹកនាំរបស់គ្រូបង្វឹក Vicent Kompany នៅរដូវកាលនេះក្រុមមិនទាន់ស្គាល់ចាញ់នោះទេសម្រាប់កាប្រកួត៤ដងចុងក្រោយគ្រប់ក្របខណ្ឌប្រកួតមិនដែលស្មើ ខណៈ ក្រុម Dynamo Zagreb ៦លើកចុងក្រោយឈ្នះ៤ស្មើ១និងចាញ់១។

១.ប្រវត្តិជួបគ្នា

ធ្លាប់ជួបគ្នា៤ដង Bayern Munich ឈ្នះ២ស្មើ១និងចាញ់១។ ខណៈការប្រកួតចុងក្រោយ នៅខែធ្នូឆ្នាំ២០១៥ ក្រុមBayern Munich បានផ្តួល Dynamo Zagreb ក្នុងលទ្ធផល២ទល់និង០សម្រាប់ការប្រកួតនៅទឹកដី ក្រូអាត។

២.ពត៌មានក្រុមBayern Munich (ម្ចាស់ផ្ទះ)
Josip Stanisic, Tarek Buchmann និង Hiroki Ito សុទ្ធតែអវត្តមានសម្រាប់ក្រុមម្ចាស់ផ្ទះ។​ទោះយ៉ាងណា Alphonso Davies អាច​នឹង​ចាប់​ផ្តើម​ជំនួស​ Raphael Guerreiro នៅ​ខ្សែ​ការពារ​ឆ្វេង ខណៈ Michael Olise អាច​ចូល​លេង​នៅខាង​ស្តាំ។
-ជម្រើស១១នាក់ដំបូងអាចនិងចូលលេង Neuer; Kimmich, Kim, Upamecano, Guerreiro; Olise, Palhinha; Coman, Musiala, Gnabry; Kane
-ទម្រង់លេងអាចនិងយកមកប្រើប្រាស់៤-២-៣-១
៣.ពត៌មានក្រុមDinamo Zagreb(ភ្ញៀវ)

ក្រុមភ្ញៀវមិនមានកីឡាកររបសួសសម្រាប់ការធ្វើដំណើរមកទឹកដីអាឡឺម៉ង់នេះទេ។
-ជម្រើស១១នាក់ដំបូងអាចនិងចូលលេងNevisitic; Ristovski, Theophile-Catherine, Mmaee, Pierre-Gabriel; Ademi, Sucic; Cordoba, Baturina, Pjaca; Petkovic
-ទម្រង់លេងអាចនិងយកមកប្រើប្រាស់៤-២-៣-១
៤.លទ្ធផលទស្សន៍ទាយសម្រាប់ការប្រកួតគូនេះគឺ Bayern Munich ២:១ Dynamo Zagreb
ប្រភព:whoscored &sportskeeda&sportsmole