កំណត់ត្រាមិនដែលចាញ់នៅក្របខណ្ឌ Premier League រវាងក្រុមចំនួនពីរនឹងមកបន្តទូទាត់កាត់សេចក្តីគ្នានៅសប្តាហ៍ទី៤នាកីឡដ្ឋាន Anfield នារាត្រីថ្ងៃសៅរ៍រវាងក្រុមហង្សក្រហម Liverpool ត្រូវស្វាគមន៍ ក្រុមNottingham Forest មកកាន់ទឹកដី Merseyside របស់ពួកគេ។ក្រុមលោកArne Slot ទើបតែផ្តល់មេរៀនថ្នាំខ្លាំងដល់ម្ចាស់ផ្ទះ Man. United ៣-០ មុនការប្រកួតUefa Nation League ខណៈNotting Ham បានត្រឹមស្មើ Wolverhampton Wanderers ១ទល់និង០។សម្រាប់ Liverpool ៣ប្រកួតចុងក្រោយមិនទាន់របូតគ្រាប់បាល់១គ្រាប់សោះក្រុមការដឹកនាំរបស់គ្រូបង្វឹកសញ្ជាតិហូឡង់វ័យ ៤៥ឆ្នាំ លោក Slot ខណៈNottingham Forest ប្រកួត៣ដងចុងក្រោយឈ្នះ១ស្មើ២។បច្ចុប្បន្នLiverpool ឈរនៅលេខរៀងទី២បន្ទាប់ពីក្រុមកំពូលតារាង Man.City ខណៈ Nottingham ឈរនៅលេខរៀងទី៩។
១.ប្រវត្តិជួបគ្នា
៤ដងចុងក្រោយ Liverpool ឈ្នះ៣និងចាញ់១ ខណៈជួបគ្នាចុងក្រោយបង្អស់នៅខែមិនា ឆ្នាំ២០២៤ Liverpool ផ្តួលក្នុងលទ្ធផល ១ទល់និង០។
២.ពត៌មានក្រុមLiverpool(ម្ចាស់ផ្ទះ)
Harvey Elliott បានរងរបួសបាក់ជើងពេលបំពេញកាតព្វកិច្ចអោយជម្រើសជាតិ។ Curtis Jones, Federico Chiesa នៅមិនទាន់ច្បាស់ថាអាចចូលលេងជម្រើសដំបូងនៅឡើយ។សមាជិកថ្មី Federico Chiesa អាចនិងអង្គុយជាកីឡាករបម្រុងសម្រាប់ការប្រកួតនេះបន្ទាប់ពីខ្សែបម្រើអន្តរជាតិអ៊ីតាលីបានផ្ទេរពី Juventus មក Anfield ។
-ជម្រើស១១នាក់ដំបូងអាចនិងចូលលេងAlisson; Alexander-Arnold, Konate, Van Dijk, Robertson; Mac Allister, Gravenberch; Salah, Szoboszlai, Diaz; Jota
-ទម្រង់លេងអាចនិងយកមកប្រើប្រាស់ ៤-២-៣-១
៣.ពត៌មានក្រុមNottingham Forest(ភ្ញៀវ)
កីឡាករ Danilo អវត្តមានសម្រាប់ក្រុម Nottingham Forest។ទោះយ៉ាងណាកីឡាករអន្តរជាតិកូតឌីវ័រទាំងពីរគឺ Willy Boly និង Ibrahim Sangare និងត្រូវវាយតម្លៃមុនដាក់អោយចូលលេង។
-ជម្រើស១១នាក់ដំបូងអាចនិងចូលលេងSels; Williams, Milenkovic, Murillo, Aina; Ward-Prowse, Anderson; Elanga, Gibbs-White, Hudson-Odoi; Wood
-ទម្រង់លេងអាចនិងយកមកប្រើប្រាស់ ៤-២-៣-១
៤.លទ្ធផលទស្សន៍ទាយសម្រាប់ការប្រកួតគូនេះគឺLiverpool ២:០ Nottingham Forest
ប្រភព:whoscored &sportskeeda&sportsmole
