(អង់គ្លេស)៖ យោងតាមសារព័ត៌មាន BBC បានឲ្យដឹងថា អតីតខ្សែការពារក្លឹបបិសាចក្រហម Manchester United គឺកីឡាករ Phil Jones បានលើកឡើងថាលោកកំពុងស្វែងរកការងារជាគ្រូបង្វឹក បន្ទាប់ពីបានប្រកាសចូលនិវត្តន៍ផ្លូវការអាជីពជាកីឡាករបាល់ទាត់។ បុរសវ័យ ៣២ឆ្នាំរូបនេះ មិនបានលេងឱ្យក្លឹបណានោះទេ ចាប់តាំងពីចាកចេញពី Old Trafford ពេលចប់រដូវកាលឆ្នាំ ២០២៣-២០២៤។
គួរកត់សម្គាល់ថា Jones ដែលបានទទួលការកោះហៅ លេងឱ្យក្រុមជម្រើសជាតិអង់គ្លេស ២៧លើកនោះ បានចូលរួមជាមួយ Man United ដោយផ្ទេរមកពីក្លឹប Blackburn ក្នុងឆ្នាំ២០១១ ប៉ុន្តែបានជួបការលំបាក ជាមួយនឹងបញ្ហារបួស ក្នុងអាជីពរបស់លោក។
គួរជម្រាបដែរថា អំឡុងពេល ១២ឆ្នាំរបស់លោក លេងនៅក្លឹបបិសាចក្រហម Jones បានឈ្នះពានរង្វាន់ Premier League ក្នុងឆ្នាំ២០១៣។ លោកក៏បានឈ្នះពានរង្វាន់ FA Cup ក្នុងឆ្នាំ២០១៦, League Cup និង Europa League ក្នុងឆ្នាំ២០១៧ និងពានរង្វាន់ Community Shield ក្នុងឆ្នាំ២០១១ និងឆ្នាំ២០១៣ ផងដែរ៕
ប្រភព៖ BBC
