(អ៊ីតាលី)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានបញ្ជាក់ឲ្យដឹងថា អតីតអ្នកចាំទីឆ្នើមរបស់ក្លឹបបិសាចក្រហម Manchester United គឺ David de Gea បានសម្រេចមិនត្រលប់មករួមរស់នៅ Old Trafford វិញឡើយ បើទោះជាមានព័ត៌មានលេចឮថាត្រលប់មកវិញនោះ ដោយអ្នកចាំទីសញ្ជាតិអេស៉្បាញរូបនេះ បានយល់ព្រមលើកិច្ចព្រមព្រៀងជាមួយក្លឹប Fiorentina ដែលលេងនៅលីគ Serie A របស់ប្រទេសអ៊ីតាលីរួចរាល់ហើយ។

គួរជម្រាបដែរថា De Gea នឹងស្នាក់នៅក្លឹប Fiorentina រយៈពេល១រដូវកាល ហើយមានជម្រើសបន្ថែមកិច្ចកុងត្រា ១រដូវកាលទៀតផងដែរ ខណៈឥឡូវនេះរូបគាត់កំពុងទទួល​បានការ​ពិនិត្យ​សុខភាពជាមួយនឹងក្លឹបផ្ទាល់ មុនពេលក្លឹបប្រកាសផ្លូវការណ៍៕

ប្រភព៖ Fabrizio Romano