អ្នកចាត់ការទូទៅបិសាចក្រហម Man. Utd លោក Erik ten Hag បានបង្ហើបប្រាប់ថារូបលោកត្រៀមដាក់អោយកីឡាករ Jadon Sancho លេងនៅក្នុងតួនាទីថ្មីមួយនៅក្នុងក្រុមបន្ទាប់ពីកីឡាករមួយចំនួននៅក្នុងក្រុម បានរងរបួសមានដូចជាៈ Rasmus Hojlund, Leny Yoro និង Victor Lindelof ជាដើមកំលុងការប្រកួតមិត្តភាពកំដៅសាច់ដុំមុនបើករដូវកាល។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ជាមួយគ្នានេះដែរ Joshua Zirkzee កីឡាករអន្តរជាតិហូឡង់ដែលបានផ្លាស់មកពីក្រុម Bologna ទើបតែចាប់ផ្តើមហ្វឹកហាត់ជាមួយក្រុម ទោះយ៉ាងណាកីឡាករវ័យ២៣ឆ្នាំ រូបនេះអាចមិនទាន់ត្រូវបានដាក់អោយលេងជម្រើស១១នាក់ដំបូងនៃរដូវកាល ២០២៤-២០២៥ ខាងមុខនេះទេ។
ងាកមកកីឡាករ Sancho វិញ លោក Ten Hag បានប្រាប់អ្នកសារព័ត៌មានយ៉ាងដូច្នេះថា: នោះជាអ្វីដែលយើងអាចធ្វើបានគឺការដាក់ អោយ Sancho លេងនៅតំបន់បម្រើកណ្តាល ក្នុងករណីមិនមានវត្តមាន Rasmus ។សម្រាប់ Zirkzee គាត់កំពុងចូលមកហ្វឹកហាត់។ ប៉ុន្តែយើងក៏ត្រូវពិចារណាថា គាត់មិនសូវហ្វឹកហាត់បានយូរទេ ដូច្នេះវានឹងត្រូវការពេល ដើម្បីគាត់អាចសម្របទៅតាមបាល់ទាត់អង់គ្លេស និងរបៀបលេងរបស់ក្រុមផងដែរ។ហើយពិតណាស់ Jadon គឺអាចលេងបានតួនាទីបម្រើ-ប្រយុទ្ធយ៉ាងទូលំទូលាយ ជាជម្រើសល្អសម្រាប់គាត់ បំផុត។
ប្រភព:Dailypost
