អ្នកចាត់ការទូទៅក្រុមហង្សក្រហម Liverpool លោក Arne Slot បានទទួលស្គាល់ថាក្រុមរបស់លោកនៅមានចំនុចមួយចំនួនទៀត ដែលត្រូវកែលំអរ បើទោះបីជាពួកគេបានយកឈ្នះក្រុមគូប្រជែងលីក Man. United ៣ទល់និង០ក្នុងការប្រកួតមិត្តភាពមុនបើករដូវកាលកាលពីថ្ងៃសៅរ៍ ។គួររំលឹកថាមុនពេលទទួលជ័យជម្នះលើ Man.Utd ក្រុមលោក Slot បានទទួលជ័យជំនះលើ Arsenal និង Real Betis រួចទៅហើយ។ សម្រាប់ការប្រកួតមិត្តភាពចុងក្រោយគឺត្រូវជួប Sevilla នៅកីឡដ្ឋាន Anfield មុនពេលធ្វើដំណើរទៅកាន់ទីក្រុង Ipswich សម្រាប់ការប្រកួតបើកឆាក Premier League របស់ពួកគេនៅថ្ងៃទី ១៧ ខែសីហា ២០២៤ខាងមុខ។

អ្នកចាត់ការសញ្ជាតិហូឡង់បានលើកឡើង ដោយវាយតម្លៃខ្ពស់សម្រាប់ការប្រកួតមិត្តភាពនេះថាៈ ការប្រកួតនេះទទួលបានលទ្ធផលវិជ្ជមានយើងរីករាយ និង ពេញចិត្តជាខ្លាំងការពិតសម្រាប់ការប្រកួតនេះកីឡាករយើងមានលទ្ធភាពស៊ុតបាល់បញ្ចូលទីបានល្អ និងច្រើនគ្រាប់ណាស់។អតីតគ្រូបង្វឹក Feyenoord បច្ចុប្បន្នមានវ័យ ៤៥ឆ្នាំបន្ថែមថាៈ ខ្ញុំគិតថាយើងបានបង្កើតឱកាសច្រើនបំផុត។ ក្រុម Man.United គួរតែរបូតគ្រាប់បាល់ច្រើនជាង៣គ្រាប់ ទោះយ៉ាងណាវាជាគុណភាពសម្រាប់ទម្រង់លេងរបស់យើង ហើយទាំងអស់គ្នាត្រូវប្រឹងប្រែងដើម្បីត្រៀមចូលរួមការប្រកួតបើករដូវកាលនៅក្នុងរយៈពេលពីរសប្តាហ៍ខាងមុខនេះបន្តទៀត។

ប្រភព:Dailypost
វីដេអូ: Liverpool : Man.Utd (មិត្តភាព)

វីដេអូ: Liverpool : Arsenal (មិត្តភាព)

វីដេអូ: Liverpool : Real Betis(មិត្តភាព)