(អង់គ្លេស)៖ ក្លឹបបិសាចក្រហម Manchester United និងហង្សក្រហម Liverpool កំពុងចាប់អារម្មណ៍ខ្លាំងក្នុងការប្រជែងដណ្តើមហត្ថលេខាខ្សែប្រយុទ្ធ Maximilian Beier របស់ក្រុម Hoffenheim នេះបើយោងតាមប្រភព Tutto Juve ចេញផ្សាយកាលពីម្សិលមិញ។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ស្ថិតក្នុងវ័យ ២១ឆ្នាំ កីឡាករជម្រើសជាតិអាល្លឺម៉ង់ បានលេងនៅយុទ្ធនាការលើកដំបូង ដែលមិនធ្លាប់មាននៅលីគ Bundesliga កាលពីរដូវកាលមុន ២០២៣/២៤ ដោយបានធ្វើឱ្យមានការចាប់អារម្មណ៍យ៉ាងខ្លាំងនៅទូទាំងទ្វីបអឺរ៉ុប ចំពោះការបង្ហាញសមត្ថភាពរបស់គេ។ គួរកត់សម្គាល់ថា Beier បានបង្ហាញខ្លួន ៣៣លើក សម្រាប់ក្រុម Hoffenheim ក្នុងលីគ ពោលគឺ ២៩ប្រកួត ដោយស៊ុតបញ្ចូលទីបាន ១៦គ្រាប់ និងបញ្ជូនបាល់ឱ្យមិត្តរួមក្រុមស៊ុតបញ្ចូលទីបាន ១គ្រាប់ ផងដែរ។
ជាក់ស្តែង កីឡាករវ័យជំទង់រូបនេះ ត្រូវបានក្លឹបនៅ Old Trafford កំពុងពិចារណាដោះដូរ ក៏ព្រោះតែរូបគេជាអ្នករកគ្រាប់បានច្រើនជាងគេមួយរូបនៅ Bundesliga ផងដែរ។ ស្របពេលជាមួយគ្នានេះ គ្រូបង្វឹកថ្មី Liverpool លោក Arne Slot បានចូលប្រជែងដណ្តើមខ្សែប្រយុទ្ធរូបនេះ និងចង់បញ្ចប់កិច្ចព្រមព្រៀងទិញលក់មុនរដូវកាលថ្មី Premier League ២០២៤/២៥ ឈានចូលមកដល់។ ដូច្នេះយើងមានតែរង់ចាំមើលថា ខ្សែប្រយុទ្ធដ៏មានទេពកោសល្យរូបនេះសម្រេចចូលរួមជាមួយក្លឹបមួយណា រវាងក្លឹបទាំងពីរនេះ៕
ប្រភព៖ SportsMole
