(បារាំង)៖ ក្លឹបយក្សបារាំង Paris Saint-Germain បានឈានដល់ “កិច្ចព្រមព្រៀងជាគោលការណ៍មួយ” ជាមួយខ្សែបម្រើប្រយុទ្ធ Jadon Sancho របស់ក្លឹបបិសាចក្រហម Manchester United នេះបើយោងតាមគេហទំព័រ Sports Zone បានចេញផ្សាយ។

ស្របពេលជាមួយគ្នានេះ PSG កំពុងស្វែងរកទីផ្សារយ៉ាងសកម្មសម្រាប់ការពង្រឹងតំបន់ប្រយុទ្ធ បន្ទាប់ពីការចាកចេញរបស់ Kylian Mbappe ទៅក្លឹបអធិរាជស Real Madrid កាលពីប្រមាណសប្តាហ៍មុននេះ។ ទន្ទឹមនឹងនេះ Man Utd នឹងបើកចំហរក្នុងការពិចារណាចែកផ្លូវជាមួយ Sancho ក្នុងតម្លៃលក់ប្រមាណត្រឹមតែ ៥០លានផោន ប៉ុណ្ណេាះបើធៀបនឹងកាលពេលទិញប្រមាណជា ៧៣លានផោន ឯណោះ។

គួរកត់សម្គាល់ថា PSG នឹងផ្តល់កម្រៃប្រាក់ឈ្នួលច្រើនជាង Man Utd ប្រសិនបើរូបគេសម្រេចផ្លាស់មកទឹកដីបារាំង ខណៈ PSG ក៏កំពុងតាមប្រមាញ់ Nico Williams របស់ក្លឹប Athletic Bilbao ផងដែរ ដែលជាផែនការណ៍ចម្បងមួយទៀតនោះ៕

ប្រភព៖ SportsMole