បន្ទាប់ពីផ្ទេរមកកាន់ក្រុមបិសាចក្រហម Man.Utd ក្នុងតម្លៃ តម្លៃ៥៥លានផោនពីអតីតក្រុមយុវជនថ្នាល Chelsea កាលពីខែសីហា ២០២៣ Mason Mount កីឡាករអន្តរជាតិអង់គ្លេសបានជួបរឿងដ៏ខកចិត្ត ជាមួយការតស៊ូទ្រាំនឹងរដូវកាលដំបូងនៅទឹកដី Old Trafford ដោយខកខានបង្ហាញខ្លួនការប្រកួតជាច្រើនដោយសារតែបញ្ហារបួស។បើទោះបីជាកីឡាករដែលធ្លាប់បញ្ចេញសមត្ថភាព និង សាងកេរ្ត៏ឈ្មោះល្បីល្បាញប៉ុន្តែ Mount មិនអាចទទួលបានជោគជ័យក្នុងការប្រកបអាជីពនៅទឹកដី Old Trafford ដោយពាក់អាវស្លាកលេខ ៧ ។ទោះយ៉ាងណាអ្នកចាត់ការសញ្ជាតិហូឡង់លោក Erik ten Hag នៅតែគាំទ្រខ្សែបម្រើរូបនេះថានិងបង្ហាញសមត្ថភាពបានល្អឡើងវិញ ជាមួយនិងការប្រើប្រាស់ជើងស្តាំដែលជាទេពកោសល្យរបស់គេ។

លោក Ten Hag បានឆ្លើយតបប្រាប់បណ្តាញសារពត៌មានទាក់ទងបញ្ហានេះយ៉ាងដូច្នេះថាៈ អ្នកមិនអាចវិនិច្ឆ័យគាត់ដូចរដូវកាលដំបូងបានទេ ពីព្រោះគាត់បានរងរបួស។ហើយនៅពេលដែលគាត់មានកាយសម្បទាគ្រប់គ្រាន់ គាត់នឹងក្លាយជាកីឡាករដ៏ល្អសម្រាប់យើង ហើយយើងអាចប្រើប្រាស់គាត់បានគ្រប់ទម្រង់តំបន់បម្រើ។ការពិតយើងក៏ត្រូវការកីឡាករដែលអាចលេងបានច្រើនមុខងារ និងច្បាស់លាស់ អាចនិយាយបានថាច្រើនតំណែង ដូច្នេះយើងនិងរង់ចាំមើលថាគាត់គាត់នឹងជួយក្រុមបានកម្រិតណានោះ។

ប្រភព:Tribuna