គ្រូ Man Utd លោក Erik Ten Hag បានបញ្ជាក់ថា កីឡាករមួយចំនួននឹងត្រលប់មកជួយក្រុមវិញបន្ទាប់ពីបញ្ចប់បេសកម្មនៅ EURO 2024 ។ Scott Mctominay បានចូលហ្វឹកហាត់កាលពីថ្ងៃពុធ ជាមួយគ្នានឹង Rasmus Hojlund និង Eriksen ដែកបានធ្លាក់ចេញពី Euro 2024 តាំងពីដើមទី។ Mctominay អាចនឹងលេងទល់នឹងក្រុម Ranger ថ្ងៃសៅរ៍នេះ ខណៈ Hojlund និង Eriksen ទំនងជាត្រៀមខ្លួនរួចរាល់ពេលក្រុមទៅបោះជុំរុំហ្វឹកហាត់នៅ USA ។

គួររំលឹកផងដែលថា United បានចាញ់ក្រុម Rosenborg ដោយលទ្ធផល ១-០ ក្នុងការប្រកួតមិត្តភាពជាលើកដំបូងរបស់ខ្លួន ខណៈកីឡាករសំខាន់ៗ មួយចំនួនដូចជា Rashford, Casemiro និង Mount សុទ្ធតែបានបង្ហាញវត្តមាន។ ខ្សែប្រយុទ្ធថ្មី Joshua Zirkzee ទើបត្រូវបានក្លឹបប្រកាសជាផ្លូវការណ៍ថ្មីៗ ក៏ទំនងជាចូលរួមជាមួយនឹងក្រុមខែក្រោយផងដែរ។ បច្ចុប្បន្នក្រុម Man Utd កំពុងសន្លឹងមើលកីឡាករ៣នាក់បន្ថែមទៀត ដើម្បីបំពេញនូវតំបន់ខ្វះខាតមួយចំនួនទៀត៕