(អង់គ្លេស)៖ អ្នកសារព័ត៌មានលើការផ្ទេរកីឡាករដ៏ល្បីឈ្មោះលោក Fabrizio Romano បានឲ្យដឹងថា ក្លឹបបិសាចក្រមហម Manchester United បានចុះហត្ថលេខានាំយកខ្សែប្រយុទ្ធឆ្នើម ដែលមានវ័យ ២៣ឆ្នាំ Joshua Zirkzee របស់ក្លឹប Bologna នៅលីគ Serie A ក្នុងតម្លៃខ្លួនផ្ទេរប្រមាណ ៤០លានអឺរ៉ូ។

ជាមួយគ្នានេះ ខ្សែប្រយុទ្ធសញ្ជាតិហូឡង់[Zirzkee] ត្រូវបាន Man Utd ផ្តល់ជូននូវកិច្ចសន្យាកុងត្រារយៈពេល ៥ឆ្នាំ ដែលមានសុពលភាពដល់ឆ្នាំ ២០២៩ បូកជាមួយនឹងជម្រើសបន្តកុងត្រា ១ឆ្នាំ បន្ថែមទៀត។

គួរជម្រាបដែរថាការធ្វើតេស្តវេជ្ជសាស្រ្តនឹងធ្វើឡើងនៅថ្ងៃសុក្រនេះ បន្ទាប់មកនឹងត្រូវជួបចរចាពាក្យសម្តីទល់មុខជាមួយគ្រូបង្វឹកលោក Erik ten Hag ផងដែរ៕

ប្រភព៖ Fabrizio Romano