(អង់គ្លេស)៖ យោងតាមសារព័ត៌មានអេស្ប៉ាញ AS បានឱ្យដឹងថា ក្លឹបបិសាចក្រហម Manchester United កំពុងចាប់អារម្មណ៍ក្នុងការចុះហត្ថលេខានាំយកខ្សែការពារ Sergio Reguilon របស់ក្លឹបមាន់ខ្នាយមាស Tottenham Hotspur ត្រឡប់ទៅកាន់ Old Trafford វិញនៅរដូវកាលថ្មី នេះបើយោងតាមសារព័ត៌មានអេស្ប៉ាញ AS បានចេញផ្សាយ។
ជម្រាបដែរថា កីឡាករសញ្ជាតិអេស្ប៉ាញ ដែលមានវ័យ ២៧ឆ្នាំ បានចំណាយពេល២រដូវកាលជាមួយក្រុម Spurs បន្ទាប់ពីផ្លាស់ពីក្លឹបយក្សអេស៉្បាញ Real Madrid ក្នុងអំឡុងឆ្នាំ ២០២០។ រំលឹកដែរថា រូបគេបានលេងខ្ចីជើងនៅក្រុមបិសាចក្រហម Man Utd ក្នុងរដូវកាល ២០២៣/២៤ ទៅមិញនេះ ជាមួយនឹងការបង្ហាញខ្លួនបាន ១២ប្រកួត។
ទោះជាយ៉ាងណា Reguilon ត្រូវបានរំពឹងថា នឹងបន្តស្នាក់នៅ Man United ក្នុងលក្ខខណ្ឌកិច្ចព្រមព្រៀងជាអចិន្ត្រៃយ៍តែម្តង ខណៈរូបគេមិនស្ថិតនៅក្នុងផែនការណ៍របស់លោក Ange Postecoglou បើទោះជាត្រលប់ទៅ Tottenham វិញក៏ដោយ៕
ប្រភព៖ SportsMole
