វីរបុរសក្លឹបអ្នកមានបុណ្យ Barcelona លោក Rivaldo បានជំរុញ​ក៏ដូចជាលើកទឹកចិត្តឱ្យអតីតក្លឹបរបស់ខ្លួនធ្វើអ្វីគ្រប់យ៉ាងទៅតាមផ្លូវច្បាប់បាល់ទាត់អេស្បាញ និង UEFA ដើម្បីធ្វើយ៉ាងណាអាចបំពេញការចុះហត្ថលេខានាំយកកីឡាករវ័យក្មេង Nico Williams មកកាន់ទឹកដី Catalan អោយខាងតែបាន។ គួរកត់សម្គាល់ថាខ្សែបម្រើ-ប្រយុទ្ធស្លាបក្រុមគោជល់អេស្បាញ បច្ចុប្បន្នបានបង្ហាញទម្រង់លេងលេចធ្លោនៅព្រឹត្តិការណ៏ Euro ២០២៤ ដែលទើបតែរកឃើញ៨ក្រុមចុងក្រោយនោះ។ Williams បច្ចុប្បន្នមានវ័យទើបតែ២១ឆ្នាំជាកីឡាកររបស់ក្លឹប At.Bilbao រកបានគ្រាប់បាល់ស៊ុតបញ្ចូលទី ១គ្រាប់ និង Assist អោយមិត្តរួមក្រុម បញ្ចប់ទី បាន១លើក​ ខណៈកីឡាកររូបនេះមាន​តម្លៃខ្លួនទិញ​ផ្ដាច់​កុងត្រា​ចប្រមាណ ៥៨ លាន​អឺរ៉ូ។

Rivaldo ជាកីឡាករដែលធ្លាប់ជួយប្រេស៊ីលលើកពាន World Cup ឆ្នាំ ២០០២ និង ដែលជាកីឡាករធ្លាប់ឈ្នះ Ballon d’Or ឆ្នាំ១៩៩៩ត្រូវបានដកស្រង់សម្តីដោយគេហទំព័រ SPORTថាៈ បើយើងមើលពីតម្លៃទិញផ្តាច់កុងត្រា គឺគាត់ស័ក្តសមនិងសមត្ថភាពដែលគាត់កំពុងលេងណាស់។មិនថាតែប្រកបអាជីពនៅAt.Madrid និង ជាមួយជម្រើសជាតិ ខ្ញុំគិតថាគាត់មានអ្វីគ្រប់យ៉ាងដែល FC Barcelona ត្រូវពិចារណាអោយបានម៉ត់ចត់បំផុតលើគាត់។
ប្រភព:Dailypost
វីដេអូ: Nico William នៅ At.Bilbao

វីដេអូ: Nico William ជាមួយក្រុមជម្រើសជាតិអេស្បាញ