(អង់គ្លេស)៖ ក្លឹបបិសាចក្រហម Manchester United កំពុងស្ថិតក្រោមសម្ពាធកាន់តែខ្លាំងក្នុងការត្រលប់មកវិញជាមួយនឹងការដេញថ្លៃជាលើកទី២ សម្រាប់ហត្ថលេខារបស់ខ្សែការពារឆ្នើម Jarrad Branthwaite របស់ក្រុម Everton។ រំលឹកកាលពីដើមខែនេះ ការដេញថ្លៃជាលើកទី១ ក្នុងទំហំសាច់ប្រាក់ ៣៥លានផោន ត្រូវបានបដិសេធ ខណៈបច្ចុប្បន្នក្រុមតោខៀវ Chelsea ហ៊ានឱ្យតម្លៃផ្ទេរកីឡាករអន្តរជាតិអង់គ្លេសរូបនេះប្រមាណ ៧០លានផោន ដោយចាត់ទុកថាជាកីឡាករដ៏សំខាន់ម្នាក់នៅរដូវកាលក្រោយ។
ទោះជាយ៉ាងណាក៏ដោយ Branthwaite ចង់ផ្លាស់ទៅកាន់ទឹកដី Old Trafford ជាជាង Chelsea ខណៈដែល Chelsea ជាគូប្រជែងដេញថ្លៃដល់ទៅទ្វេដងនៃតម្លៃខ្លួននោះ។ អាស្រ័យហេតុនេះ Man Utd នឹងត្រូវបង្កើនតម្លៃដោះដូរកីឡាករវ័យត្រឹម ២១ឆ្នាំ រូបនេះឲ្យសាកសមនឹងទេពកោសល្យ ក៏ដូចជាឆន្ទៈ និងសំណើរសមរម្យណាមួយ ដែលអាចធ្វើឲ្យ Everton ពិចារណាទទួលយកដោយគ្មានលក្ខខណ្ឌ៕
ប្រភព៖ Manchester Evening News & Goal
