ក្លឹប LA Galaxy នៅលីកកំពូលសហរដ្ឋអាមេរិក MLS ចង់បានកីឡាករខ្សែប្រយុទ្ធជើងចាស់ Robert Lewandowski ដើម្បីមកលេងចាប់ដៃគូគ្នាសាជាថ្មីម្តងទៀតជាមួយខ្សែបម្រើ Marco Reus ដែលទើបតែនិងបញ្ចប់ការផ្ទេរពីក្លឹប Dortmund នៅលីកកំពូលអាឡឺម៉ង់មករួមក្រុមយោងតាមការចុះផ្សាយរបស់គេហទំព័រអេស្បាញ ​​Diario AS ។

បើទោះបីមានមហិច្ឆតា ក្នុងការចង់ចុះហត្ថលេខានាំយកកីឡាករវ័យ៣៥ឆ្នាំ និង ជាកាពីតែនក្រុមជម្រើសជាតិប៉ូឡូញ Lewandowski មករួមក្រុម ប៉ុន្តែពួកគេយល់យ៉ាងច្បាស់ថាក្រុមនិងត្រូវជួបឧបសគ្គក្នុងការផ្ទេរ យកកីឡាករដែលគ្រូបង្វឹកអាឡឺម៉ង់លោក Hansi Flick ចាត់ទុកជាកីឡាករសំខាន់សម្រាប់គម្រោងប្រើប្រាស់ជាមួយក្រុម Blaugrana ស្របពេលកិច្ចសន្យារបស់Lewandowski ផុតកំណត់នៅឆ្នាំ២០២៦។គួររំលឹកថា Robert Lewandowski បានបង្ហាញខ្លួន ៨៧ ប្រកួតជាមួយ Marco Reus នៅកំលុងពេលលេងរួមគ្នានៅក្ឹប Borussia Dortmund និងរកបាន២២គ្រាប់។

ប្រភព: Tribuna