លោក Sir Alex Ferguson អតីតគ្រូបង្វឹកដ៏មានកេរ្តិ៍ឈ្មោះដ៏ល្បីល្បាញជុំវិញពិភពលោក បានអះអាងថា អតីតកីឡាករ Chelsea គឺ​Gianfranco Zola គឺជាកីឡាករដែលធ្វើឲ្យរូបលោកមានការឈឺក្បាល់ជាខ្លាំង រាល់ពេលរូបលោករៀបចំផែនការទប់ទល់ជាមួយនឹងកីឡាកររូបនេះម្តងៗ ។ លោក Ferguson បានលើកសរសើរ Zola គឺជាកីឡាករដ៏អស្ចារ្យ​ និងហ៊៊ាន ហើយលោក Sir Alex លើកការប្រកួតនៅ FA Cup មួយដែលលោកបញ្ជារឲ្យកូនក្រុមរបស់លោកផ្តោតសំខាន់លើតែកីឡាករម្នាក់។

លោក Ferguson បាននិយាយក្នុងកិច្ចសម្ភាសន៍មួយថាៈ​​ “គាត់ (Zola) តែងតែមានស្នាមញញឹមនៅលើផ្ទៃមុខរាល់ពេលលេងទល់នឹងពួកយើង ហើយវាពិតជារំខានខ្ញុំខ្លាំងណាស់។ ខ្ញុំបាននិយាយក្នុងចិត្តថា ហេតុអ្វីបានជាកីឡាករម្នាក់នេះសប្បាយចិត្តរាល់ពេលលេងទល់នឹង​ United ? ខណៈគ្មាននរណាគេម្នាក់សប្បាយចិត្តលេងទល់នឹងយើងឡើយ ។ គាត់ជាកីឡាករអស្ចារ្យ និងមានទេពកោសល្យ ជាមួយនឹងសមត្ថភាពដ៏ល្អ ហើយហ៊ានលេង ខ្ញុំចាំបានថា យើងលេងទល់នឹង Chelsea ក្នុង FA Cup ប៉ុន្មានឆ្នាំមុនយើងឈ្នះ Treble ពួកយើងបានស្មើ 0-0 នៅ Old Trafford ហើយកូនក្រុមរបស់ខ្ញុំទាំងផ្តោតតែលើគាត់ប៉ុណ្ណោះ៕”