(អេស៉្បាញ)៖ យោងតាមសារព័ត៌មាន FootballTransfers បានឲ្យដឹងថា ក្លឹបកាតាឡាន់ Barcelona កំពុងមានឆន្ទៈបើកចំហក្នុងការលក់ខ្សែការពារ Jules Kounde ដោយត្រៀមទទួលនូវសំណើរ ៥០លានអឺរ៉ូ នៅក្នុងទីផ្សារដោះដូរកីឡាកររដូវក្តៅ ប្រសិនមានក្លឹបណាចង់បាន។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
របាយការណ៍បន្ថែមថា ក្លឹបបិសាចក្រហម Manchester United កំពុងតែចាប់អារម្មណ៍លើ Kounde ហើយភាពរហ័សរហួន អត្តពលកម្ម ជំនាញបច្ចេកទេស និងភាពប៉ិនប្រសប់របស់កីឡាកររូបនេះត្រូវបានគេនិយាយថានឹងផ្លាស់មកកាន់ទឹកដី Old Trafford បានជាក់ជាពុំខាន។ មិនតែប៉ុណ្ណេាះ Man United ក៏ធ្លាក់បានសាកសួរកីឡាកររបស់ Barca មួយចំនួនផងដែរ មានដូចជា Ronald Araujo, Andreas Christensen និង Pau Cubarsi។
គួរជម្រាបផងដែរថា ក្រុមរបស់បុរសសញ្ជាតិហូឡង់លោក Erik ten Hag អាចនឹងប្រឈមមុខនឹងការប្រកួតប្រជែងសម្រាប់ការចុះហត្ថលេខារបស់ Kounde ខណៈដែល Chelsea, Newcastle United, Inter Milan និង Paris Saint-Germain ក៏ត្រូវបានផ្តល់ចំណាប់អារម្មណ៍លើខ្សែការពាររូបនេះផងដែរ៕
ប្រភព៖ SportsMole
