ខ្សែប្រយុទ្ធ Cristiano Ronaldo រកប្រាក់យ៉ាងសន្ធឹកសន្ធាប់ពីលីគអារ៉ាប់ ក្រោយពីការចាកចេញពីក្លឹប Manchester United ទៅកាន់ Al-Nassr ។ ក្រោយមានបញ្ហាជាមួយនឹងលោក Erik Ten Hag និងធ្វើកិច្ចសម្ភាសន៍ជាមួយលោក Piers Morgan បានធ្វើឲ្យកុងត្រារបស់លោក CR7 នៅ Man Utd បានបញ្ចប់។ Ronaldo បានចាកចេញពី Man Utd នឹងផ្ទេរទៅកាន់ Al-Nassr នៅឆ្នាំ២០២២ ក្នុងនាមជាកីឡាករដែលគ្មានតម្លៃខ្លួន ទៅកាន់ក្លឹប Al-Nassr ។ កិច្ចព្រមព្រៀងបានបញ្ចប់នៅថ្ងៃទី៣០ខែធ្នូឆ្នាំ២០២២ មុននឹងបញ្ចប់ជាផ្លូវការណ៍នៅថ្ងៃទី១ខែមករាឆ្នាំ២០២៣ ជាមួយនឹងរបាយការណ៍បានបញ្ចាក់ថា គាត់ជាកីឡាករដែលទទួលបានប្រាក់ឈ្នួលច្រើនជាងគេបំផុតនៅលើពិភពលោកនេះ។

Ronaldo ត្រូវបានគេជឿជាក់ថា ទទួលបាន ១៧៧លានផោនក្នុង១ឆ្នាំ ដែលស្មើនឹង ៣,៤០៣,៨៤៦ក្នុង១សប្តាហ៍ ។ ម្ចាស់ពានរង្វាន់ Ballon d’Or ៥សម័យកាល បានចំណាយពេល៧៣សប្តាហ៍ហើយជាមួយនឹង Al-Nassr ហើយបើយោងតាមរបាយការណ៍ក្នុងស្រុកជាច្រើនបានបញ្ជាក់ថា ទឹកប្រាក់សរុបដែល Ronaldo រកបានពេលនេះគឺ ២៤៨លានផោន ។ របាយការណ៍បានបន្ថែមថា​ កុងត្រារបស់ Ronaldo គឺជាទឹកប្រាក់ដ៏ច្រើនសន្ធឹកសន្ធាប់សម្រាប់អត្តពលិក ប៉ុន្តែវត្តមានរបស់ខ្សែប្រយុទ្ធឆ្នើមរូបនេះនៅទីនោះបានធ្វើឲ្យបាល់ទាត់អារ៉ាប់ មានមុខថ្មី ជាមួយនឹងកីឡាករលំដាប់កំពូលជាច្រើនបានបញ្ចប់ការផ្ទេរទៅកាន់ទីនោះផងដែរ៕