![Featured-Image](https://cambosport.net/wp-content/uploads/2024/06/OsimhenxArteta04June2024-1024x538.jpg)
(អ៊ីតាលី)៖ ក្លឹបយក្សនៅលីគ Serie A គឺ Napoli ត្រូវបានគេរាយការណ៍ថា កំពុងត្រៀមលក់ខ្សែប្រយុទ្ធឆ្នើម Victor Osimhen ទៅឲ្យ Arsenal ប្រសិនបើពួកគេទទួលបានខ្សែការពារ Takehiro Tomiyasu និងខ្សែប្រយុទ្ធ Emile Smith Rowe ជាថ្នូរនៃការដោះដូរនឹងគ្នាដែលជាផ្នែកនៃកិច្ចព្រមព្រៀងសម្រាប់ Osimhen នេះបើយោងតាមប្រភពសារព័ត៌មាន Corriere dello Sport បានចេញផ្សាយនាថ្ងៃអង្គារនេះ។
គួរជម្រាបដែរថា របាយការណ៍ថ្មីៗ បានអះអាងថា ក្រុមតោខៀវ Chelsea បានបោះបង់នៃការចែចូវចង់បាន Osimhen ដោយសារតែតម្លៃផ្ទេរខ្ពស់រហូតដល់ទៅ ១៣០លានអឺរ៉ូ ឯណោះ។ ដូច្នេះហើយ នៅសល់តែក្លឹបកាំភ្លើងធំ Arsenal ប៉ុណ្ណេាះដែលអាចបញ្ចុះបញ្ចូលខ្សែប្រយុទ្ធសញ្ជាតិនីហ្សេរីយ៉ា ដែលមានវ័យត្រឹម ២៥ ឆ្នាំរូបនេះ ឲ្យមកចូលរួមនៅទឹកដី Emirate បាន។ ជាក់ស្តែង Osimhen រកបាន ២៦គ្រាប់ ក្នុង ៣៣ប្រកួត និងជួយក្លឹប Napoli ឈ្នះជើងឯក Serie A ឆ្នាំ ២០២២-២៣ ផងដែរ។
ទន្ទឹមនឹងនេះ Napoli បានកោតសរសើរពីសមត្ថភាពរបស់ Tomiyasu និង Smith Rowe ហើយវាក៏ជាឱកាសដើម្បីចុះហត្ថលេខាលើពួកគេ ស្របពេលគ្រូបង្វឹក Arsenal លោក Mikel Arteta ចង់បានខ្សែប្រយុទ្ធកំពូលដូចទៅនឹង Osimhen ដូចគ្នាផងដែរ៕
ប្រភព៖ SportsMole
![](https://cambosport.net/wp-content/uploads/2024/07/CarlosXNapoliSmile04July2024-300x158.jpg)
![](https://cambosport.net/wp-content/uploads/2024/06/laportaXPep28June2024-300x158.jpg)
![](https://cambosport.net/wp-content/uploads/2024/06/TenHag27June2024-300x158.jpg)
![](https://cambosport.net/wp-content/uploads/2024/06/HenryNewJob27June2024-300x158.jpg)