(អង់គ្លេស)៖ ក្លឹបបិសាចក្រហម Manchester United អាចនឹងពិចារណាដេញតាមប្រមាញ់កីឡាករ Trevoh Chalobah និង Conor Gallagher ពីសំណាក់តោខៀវ Chelsea ប្រសិនបើលោក Mauricio Pochettino ក្លាយជាអ្នកចាត់ការទូទៅនៅ Old Trafford ជំនួសតំណែងលោក Erik ten Hag នេះបើយោងតាម Football Insider បានអះអាង។
បើទោះជា Chalobah ជាកីឡាករជម្រើសដំបូងនៅ Chelsea តាំងពីឆ្នាំ ២០២១ មកក៏ដោយ ប៉ុន្តែបច្ចុប្បន្នរូបគេបានជួបនូវការលំបាកនៅជម្រើស១១នាក់ដំបូង និងខកខានការប្រកួតដ៏ធំមួយនៃរដូវកាលនេះ ដោយសារតែបញ្ហារបួស។ ទន្ទឹមនឹងនោះ Gallagher គឺជាកីឡាករឆ្នើមសម្រាប់ក្រុមតោខៀវក្នុងរដូវកាលនេះ ដោយបង្ហាញក្នុង ៥០ប្រកួត និងស៊ុតបញ្ចូលទីបាន ៧គ្រាប់ ខណៈ Assists បាន ៩ដងផងដែរ។
របាយការណ៍បន្ថែមថា Chelsea ជួបនូវវិបត្តិយ៉ាងតឹងរ៉ឹងជុំវិញច្បាប់ប្រាក់ចំណេញ និងនិរន្តរភាពរបស់ Premier League ដោយតម្រូវឲ្យបើកចំហរក្នុងការលក់កីឡាករ២រូបនេះ ក្នុងចំណោមអ្នកផ្សេងទៀត ក្នុងគោលបំណងធ្វើឱ្យបញ្ជីទិញលក់មានតុល្យភាពផងដែរ។ ជាមួយគ្នានេះ Chalobah និង Gallagher ជាយុវជនថ្នាលក្លឹប ដែលអាចនឹងត្រូវដាក់លក់នៅទីផ្សារដោះដូរកីឡាករ ហើយពួកគេនឹងធ្វើឲ្យក្លឹបចំណេញប្រាក់បានយ៉ាងច្រើនសន្ធឹកសន្ធាប់៕
ប្រភព៖ SportsMole
Jadon Sancho ខិតជិតការផ្ទេរទៅកាន់ក្លឹប Juventus បន្ទាប់ពីក្លឹបនៅលីកកំពូលSerie Aបានឈានដល់កិច្ចព្រមព្រៀងក្នុងតម្លៃ ១៧.៣ លានផោនជាមួយប្រាក់ឈ្នួលពលកម្មនឿយហត់ប្រមាណ៥,២លានផោនត្រូវបានយល់ព្រមពីសាម៉ីអាណាព្យាបាលគឺក្រុមបិសាចក្រហម Manchester United ផងដែរ។ ក្រុមម្ចាស់ជើងឯកអង់គ្លេស២០សម័យ មានបំណងចង់លក់ខ្សែប្រើស្លាបក្រុមជម្រើសជាតិអង់គ្លេសនៅរដូវក្តៅនេះ បន្ទាប់ពី Chelsea ថ្មីៗនេះបានច្រានចោលឱកាសចុះហត្ថលេខាលើកីឡាករវ័យ ២៥ ឆ្នាំក្នុងតម្លៃ ២៥ លានផោន ជំនួសអោយការបានបង់ពិន័យប្រមាណ៥ លានផោន ដើម្បីបញ្ជូនគាត់ត្រលប់ទៅកាន់ទឹកដី Old Trafford វិញ។អត្ថបទកំពុងចាប់អារម្មណ៍៖ Chelsea ដាក់លក់កីឡាករសំខាន់រូបនេះប៉ុន្តែតម្លៃមិនចង់អោយតតែម្តង (មាន១វីដេអូ) សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស ការពីតកន្លងមក Sancho បានខិតជិតដល់កិច្ចព្រមព្រៀងជាមួយ Napoli កាលពីប៉ុន្មានសប្តាហ៍មុន ប៉ុន្តែក្រុមរបស់លោក Antonio Conte បានបដិសេធមិនបំពេញតាមសំណើតម្លៃ ២១.៣ លានផោនតាមការចង់បាន។គួររំលឹកថា Man.Utd បានបញ្ចប់ការផ្ទេរយក Sancho ពីក្លឹប Borussia Dortmund ក្នុងតម្លៃ៧៣លានផោន កាលពីឆ្នាំ២០២១ក្រោយតាមទិញអតីតយុវជនក្លឹប Watford […]
