(អង់គ្លេស)៖ ក្រោយការប្រកាសលាគ្នាជាមួយលោក Jurken Klopp នៅកីឡដ្ឋាន Anfield ក្លឹបហង្សក្រហម Liverpool បានប្រកាសពីការមកដល់របស់អ្នកចាត់ការទូទៅថ្មីគឺលោក Arne Slot ។ ទន្ទឹមនឹងនោះមិនទាន់បានប៉ុន្មានថ្ងៃផង អ្នកចាំទី ពាក់ឈុតអាវលេខ៦២ Caoimhin Kelleher បានសម្រេចចិត្តចង់ចាកចេញទៅរួមទ្រនំក្លឹបថ្មីនៅមុនរដូវកាលថ្មីមកដល់ នេះបើយោងតាមការអះអាងរបស់សារព័ត៌មាន Football Insider។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
អ្នកចាំទីរបស់សាធារណរដ្ឋអៀរឡង់បានចាប់ផ្ដើមការប្រកួតបានចំនួន ២៦លើក ក្នុងយុទ្ធនាការ ២០២៣/២៤ ដែលជារដូវកាលដ៏ល្អបំផុតរបស់គាត់ផងដែរ។ ជាមួយគ្នានេះ អ្នកចាំទី Alisson Becker ទទួលបានតួនាទីជាអ្នកចាំទីដៃទី១ឡើងវិញ បន្ទាប់ពីជាពីរបួសកាលពីខែមេសា កន្លងទៅ ដោយត្រូវបានរំពឹងថា នៅតែជាជម្រើសដំបូងក្រោមការដឹកនាំរបស់លោក Slot ។
យ៉ាងណាមិញ អ្នកចាំទី Kelleher វ័យ ២៥ឆ្នាំ មានមហិច្ចតាចង់ក្លាយជាអ្នកចាំទីដៃទី១ នៅក្លឹបផ្សេង ដូច្នេះភាគរយដែលរូបគេចាកចេញគឺខ្ពស់ខ្លាំង គួរឲ្យកត់សម្គាល់ ខណៈរូបគេមានកិច្ចសន្យាជាមួយ Liverpool រហូតដល់ឆ្នាំ ២០២៦៕
ប្រភព៖ SPORTbilbe
