សហព័ន្ធកីឡាបាល់ទាត់ប្រេស៊ីលកាលពីថ្ងៃសុក្របានបញ្ជាក់ថាថាខ្សែប្រយុទ្ធចាស់វស្សា Neymar មិនមានឈ្មោះសម្រាប់ក្រុមសាំបាដើម្បីចូលរួមការប្រកួត Copa America ឆ្នាំ២០២៤ ស្របពេលដែលរូបគេកំពុងបន្តព្យាបាល និង ស្តារកាយសម្បទាដែលកំពូងរងរបួសជង្គង់យ៉ាងធ្ងន់ធ្ងរនោះ។មានន័យថាកីឡាករកំនត់ត្រាផ្ទេរថ្លៃបំផុតក្នុងពិភពបាល់ទាត់បច្ចុប្បន្នមានវ័យ ៣២ឆ្នាំលេងអោយក្រុមAl Hilal នៅលីកកំពូល Saudi Pro League មិនបានចូលលេងទេចាប់តាំងពីមានរបួសសរសៃពួរសរសៃពួរជើង និងសរសៃពួរជង្គង់ឆ្វេងរបស់គាត់កាលពីខែតុលា ដូច្នេះឪកាសនៃការចូលលេងសម្រាប់ក្រុមជម្រើសជាតិក្នុងព្រឹត្តការណ៏ប្រកួតនៅសហរដ្ឋអាមេរិក ដែលនឹងចាប់ផ្តើមនៅថ្ងៃទី ២០ ខែមិថុនាគឺរូបគេមិនមានឈ្មោះនោះឡើយ។
មួយវិញទៀតកីឡាកររួមជាតិមានដូចជាខ្សែបម្រើ Casemiro របស់ក្រុមបិសាចក្រហ Man. United និងខ្សែប្រយុទ្ធ Richarlison របស់ Tottenham Hotspur ក៏អវត្តមានផងដែរ ក្រោយពីបង្ហាញទម្រង់លេងមិនបានល្អជាមួយក្លឹបព្រមទាំងបញ្ហារបួសរបស់ពួកគេនោះ។ផ្ទុយទៅវិញគ្រូបង្វឹកលោក Dorival Junior បានដាក់អោយកីឡាករយុវជន Endrick បច្ចុប្បន្នលេងអោយក្រុម Palmeiras និងត្រៀមផ្ទេរទៅ Real Madrid នៅខែកក្កដា ក្នុងវ័យ១៨ឆ្នាំ អោយស្ថិតក្នុងចំណោមកីឡាករសរុបទាំង ២៣ នាក់របស់គាត់។Endrick គឺជាកីឡាករស៊ុតបញ្ចូលទីឱ្យប្រេស៊ីលក្នុងជ័យជម្នះ ១-០ លើក្រុមតោកំណាចអង់គ្លេសនៅកីឡដ្ឋាន Wembley ក្នុងជំនួបមិត្តភាព និងបន្តរកបានគ្រាប់បាល់ក្នុងលទ្ធផលស្មើ ២-២ ជាមួយអេស្ប៉ាញនៅកីឡដ្ឋាន Santiago Bernabeu ក្នុងខែមីនាកន្លងទៅ។ ប្រេស៊ីលនឹងចាប់ផ្តើមយុទ្ធនាការ Copa America របស់ពួកគេទល់នឹងកូស្តារីកាក្នុងទីក្រុង Los Angeles នៅថ្ងៃទី ២៤ ខែមិថុនា ហើយនឹងជួបប៉ារ៉ាហ្គាយ និងកូឡុំប៊ីក្នុងការប្រកួតជម្រុះក្នុងពូល។
ក្រុមប្រេស៊ីល
អ្នកចាំទី: Alisson (Liverpool), Ederson (Manchester City) Bento (Athletico Paranaense)
ខ្សែការពារ: Danilo (Juventus), Yan Couto (Girona), Guilheme Arana (Atletico Mineiro), Wendell (Porto), Beraldo (Paris Saint-Germain), Marquinhos (Paris Saint-Germain), Eder Militao (Real Madrid), Gabriel Magalhaes (Arsenal)
ខ្សែបម្រើ: Andreas Pereira (Fulham), Bruno Guimaraes (Newcastle), Douglas Luiz (Aston Villa), Joao Gomes (Wolverhampton), Lucas Paqueta (West Ham)
ខ្សែប្រយុទ្ធ: Endrick (Palmeiras), Evanilson (Porto), Gabriel Martinelli (Arsenal), Raphinha (Barcelona), Savinho (Girona), Rodrygo (Real Madrid), Vinicius Junior (Real Madrid).
(អេស៉្បាញ)៖ អ្នកគាំទ្រក្លឹបអធិរាជស Real Madrid បានទាមទារឱ្យក្លឹបធ្វើការផ្លាស់ប្តូរតំបន់លេងទាក់ទងនឹងតារាឆ្នើម Kylian Mbappe បន្ទាប់ពីមើលវីដេអូហ្វឹកហាត់រួចមក។ នៅក្នុងនោះដែរ អ្នកគាំទ្រមួយចំនួនធំសុទ្ធតែផ្តល់មតិទទូចឲ្យក្លឹបដាក់ Mbappe លេងតំបន់ប្រយុទ្ធស្លាបឆ្វេងវិញ ជាជាប្រយុទ្ធទោលកណ្តាល៕អត្ថបទកំពុងចាប់អារម្មណ៍៖ លោក Amorin បានធ្វើការចរចារជាមួយនឹងកីឡាករម្នាក់ ដែលទំនងជាសមាជិកថ្មីមុនគេក្រោមការដឹកនាំរបស់លោក សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស សូមទស្សនានូវវីដេអូខាងក្រោម៖ Kylian Mbappe is killing it in training 🔥🔥pic.twitter.com/IA4sFkoDky — Kay | Snapchat & IG Ads (@KayRMFC) November 19, 2024 ប្រភព៖ SPORTbible
