បរទេស៖ ក្លឹបបាល់ទាត់ Nottingham Forest បានចេញសេចក្តីថ្លែងការណ៍មួយនៅលើបណ្តាញសង្គមរបស់ពួកគេ ក្រោយការបរាជ័យក្រោមថ្វីជើង Everton ទាំងមិនអស់ចិត្ត។ Forest បានបរាជ័យក្រោមថ្វីជើង Everton ដោយលទ្ធផល ២-០ ក្នុងការប្រកួត Premier League កាលពីថ្ងៃអាទិត្យ ដោយធ្វើឲ្យពួកគេបាត់បង់អស់៣ពិន្ទុ។ គ្រាប់បាល់របស់ Idrissa Gueye និង Mwight Mcneil បានធ្វើឲ្យ Everton យកបាន៣ពិន្ទុសម្រាប់ការប្រកួត។
ក្រោយការប្រកួត Nottingham បានចេញសេចក្តីថ្លែងការណ៍របស់ខ្លួន ដោយអះអាងថា ពួកគេសាកសមទទួលបានបាល់ប៉េណាល់ទី៣លើក្នុងការប្រកួតទល់នឹងក្រុម Everton ដូច្នេះក្លឹបទាមទារឲ្យស្ថាប័នពាក់ព័ន្ធទាំងអស់ធ្វើបញ្ចេញនូវការសន្ទនារបស់មន្ត្រីអាជ្ញាកណ្តាល់អំឡុងកាត់សេចក្តីការប្រកួត ដើម្បីធ្វើឲ្យពួកគេអស់មន្ទិលសង្ស័យ និងអាចទទួលយកលទ្ធផល ដោយមិនមានការសង្ស័យបន្តទៀត។ យ៉ាងណាមិញក្រោយសេចក្តីថ្លែងការណ៍ Premier League ក៏បានធ្វើការឆ្លើយតបទៅកាន់ Nottingham Forest វិញតាមរយៈបណ្តាញសង្គមរបស់ពួកគេថា៖ «Premier League មានការខកចិត្តជាខ្លាំងនឹងសេចក្តីថ្លែងការណ៍របស់ក្លឹបបាល់ទាត់ NottinghamForest នៅតាមរយៈបណ្តាញសង្គម ជុំវិញការប្រកួតទល់នឹងក្រុម Everton ។ ពួកយើងបានធ្វើការបញ្ជាក់ជាមួយនឹង FA ដើម្បីធ្វើការសើបអង្កេតទៅលើសេចក្តីថ្លែងការណ៍របស់ក្លឹប។ វាមិនសមស្របទេក្នុងការសួរសំណួរមិនត្រឹមត្រូវអំពីភាពត្រឹមត្រូវរបស់មន្ត្រីនៃការប្រកួត ហើយលក្ខណៈនៃការបញ្ចេញមតិទាំងនេះមានន័យថា Premier League ក៏នឹងធ្វើការស៊ើបអង្កេតលើបញ្ហានេះទាក់ទងនឹងច្បាប់របស់ League ផងដែរ។»
