ក្រុមជម្រើសជាតិប្រេស៊ីលបានលើកឡើងថាកីឡាករ Casemiro នឹងខកខានការប្រកួតពានរង្វាន់ FA Cup វគ្គ៨ក្រុមចុងក្រោយពេលក្រុម Manchester United ប្រកួតជាមួយ ក្រុមភ្ញៀវLiverpool នៅថ្ងៃអាទិត្យនេះ វេលាម៉ោង ១០និង៣០នាទីយប់។មានន័យថាកីឡាករ លេងតួនាទីបម្រើការពាររូបនេះត្រូវបានដកចេញពីការប្រកួតផងដែរសម្រាប់ជំនួបប្រេស៊ីលទល់នឹងអង់គ្លេស និងអេស្ប៉ាញ។អ្វីដែលជាបញ្ហារបួសពិតប្រាកដរបស់កីឡាករវ័យ ៣២ ឆ្នាំរូបនេះនៅមិនទាន់បានបញ្ជាក់ច្បាស់នៅឡើយទេ ប៉ុន្តែគ្រូបង្វឹកឈុតធំក្រុមជើងឯកWorld Cup ៥សម័យលោក Dorival Junior បានបញ្ជាក់ថា យើងទើបតែបានទទួលបានការជូនដំណឹងពីលោកវេជ្ជបណ្ឌិត Rodrigo Lasmar។
គណៈកម្មាធិការបច្ចេកទេសរបស់ក្រុមជម្រើសជាតិប្រេស៊ីលបានបញ្ចេញឈ្មោះកីឡាករសម្រាំងទាំង ៥០នាក់ក្នុងនោះត្រូវបានដកឈ្មោះចេញដោយដោយសាររបួស ១៣នាក់ ក្នុងនោះក៏មានឈ្មោះ Casemiro ផងដែរ។ខ្សែបម្រើតម្លៃ៦០ លានផោនបានចូលលេង ២១ ដងនៅគ្រប់ក្របខណ្ឌប្រកួតក្នុងរដូវកាលនោះនិងចូលលេងជម្រើសដំបូងបាន ៩ដងសម្រាប់រដូវកាលនេះ។
ប្រភព:Talksport
