(បរទេស)៖ ក្លឹបនៅប្រទេសហូឡង់ Ajax កំពុងចាប់អារម្មណ៍ និងបញ្ចុះបញ្ចូលគ្រូបង្វឹករបស់ក្រុមបិសាចក្រហម Manchester United លោក Erik ten Hag ឲ្យធ្វើការសម្រេចចិត្តក្នុងការចាកចេញពី Old Trafford ផ្លាស់ទៅកាន់កីឡដ្ឋាន Amsterdam Arena នៅទឹកដីហូឡង់វិញ នេះបើតាមការអះអាងរបស់សារព័ត៌មាន The Mirror។
សូម Subscribe Telegram របស់ Cambosport ដើម្បីទទួលបានព័ត៌មានឆាប់រហ័ស
ជាមួយគ្នានេះផងដែរ លោក Ten Hag បានចំណាយពេល ៤ឆ្នាំកន្លះ ក្នុងនាមជាគ្រូបង្វឹកក្រុម Ajax មុនពេលមកដឹកនាំ Man Utd ក្នុងឆ្នាំ ២០២២។ នៅពេលនោះ គាត់ដឹកនាំ Ajax ទទួលបានជោគជ័យច្រើនគួរសម ដោយបានឈ្នះពានរង្វាន់លីគ Eredivisie ចំនួន៣, ពានរង្វាន់ KNVB Beker ចំនួន២ និងពាន Johan Cruyff Shield ១ដង ផងដែរ។
គួរជម្រាបផងដែរថា បច្ចុប្បន្នលោក Ten Hag កំពុងប្រឈមមុខ នឹងការបណ្តេញចេញពីក្លឹបក្រោយពីដឹកនាំមិនសូវទទួលបានផ្លែផ្កានៅឡើយ ដោយក្រុមកំពុងឈរនៅលេខ៦ ក្នុងតារាង Premier League មានត្រឹម ៤៦ពិន្ទុ ប៉ុណ្ណោះ៕
ប្រភព៖ SportsMole
