(អង់គ្លេស)៖ យោងតាមកាសែត Daily Mail បានរាយការណ៍មកថាលោក Mauricio Pochettino ប្រឈមនឹងពេលវេលាមិនច្បាស់លាស់នៅតោខៀវ Chelsea បន្ទាប់ពីគាត់បានដឹកនាំក្រុមបរាជ័យក្នុងពាន Carabao Cup នៅកីឡដ្ឋាន Wembley នៅចុងសប្តាហ៍ ក្រោមថ្វីជើងក្រុមហង្សក្រហម Liverpool។ បើទោះជាយ៉ាងនេះក្តី Chelsea មិន​ទាន់​បាន​សម្រេច​ចិត្ត​លើ​អនាគត​របស់​គាត់នៅឡើយ ខណៈក្លឹបកំពុងផ្តល់ឱកាសដល់រូបគាត់រយៈ​ពេល​វែងបន្តទៀត។

ទន្ទឹមនឹងនេះ អ្នកគាំទ្រ Chelsea បានបញ្ចេញអារម្មណ៍ខកចិត្ត រិះគន់ និងមិនចង់ផ្តល់ឱកាសដូចអ្វីដែលក្លឹបកំពុងធ្វើនោះទេ។ ជាមួយគ្នានេះដែរ គ្រូបង្វឹកក្លឹប Sporting Lisbon លោក Ruben Amorim ត្រូវបានគេសន្មត់ថា ជាអ្នកចាត់ការទូទៅម្នាក់ ដែលកំពុងចាប់អារម្មណ៍យ៉ាងខ្លាំង ចំពោះតំណែងនៅ Chelsea បើទោះបីជាក្លឹបកំពូលៗនៅអឺរ៉ុបមួយចំនួន កំពុងតាមដានលើរូបគាត់ក៏ដោយ៕

ប្រភព​៖ SportsMole